ब्यभिचारीमन, मरद-मरद केर संग ब्यभिचार करइयामन, आदमीमन के चोराय के गुलाम केर रूप में बेचाइयामन, झूठ बोलेक वालामन, आउर सच बोलेक केर किरिया खाय के हों झूठ बोलेक वालामन लगिन, आउर इकर अलावा, सही शिक्षा जे काम के करेक ले सिखायला, उके करेक से मना करेक वालामन लगिन हों ठहराल जाय हे।
मोंय तो बिसवासी बनेक से पहिले मसीह केर बारे में निंदा करेक वाला, आउर बिसवासीमन के सताएक वाला, आउर उमन केर नोकसान करेक वाला रहों, फिन भी परमेश्वर केर दया मोर उपरे होलक, काले कि इ काम मोंय अनजाने में करत रहों आउर यीशु मसीह उपरे बिसवास नी करत रहों।
हे बेटा तीमुथियुस, मोंय तोके उ गोइठमन के याइद करेक ले कहाथों, जे पहिले भविष्यवाणीमन में तोर बारे में कहल जाय रहे, मोंय तोके इ आगया सोपाथों कि तोंय उमन केर मोताबिक झूठा सिखाएक वालामन केर बिरोध में लड़ाई के लड़ते रह।
आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।