Onsene ale anagumanika pantsi pa udzakazi, asatongwa kulemedza a mbuya awo ninga munafunika na cilemedzo consene, toera dzina ya Mulungu na pinapfundzisa ife pyonsene pikhonde kuxolwa.
Ale ana a mbuya awo adatawira Yezu mbaleke kuapwaza na thangwi ya kukhala abale, mbwenye asatongwa aaphatire basa mwadidi kakamwe, thangwi anafuna kuadyera mabasa anu ndi anyakutawira Yezu akufunika. Pfundzisa pontho uwapange pinthu penepi.
unowu ndi munthu wa kupikuza, pontho nkhabe cinthu cinadziwa iye. Kulongana na kuketesana pa thangwi ya mafala, ndi ninga nthenda kuna iye. Penepo ndi panabuluka bibvu, nthonga, kutikanizana, kunyerezera ndzako kuipa,
kuidana kwakukhonda kumala pakati pa ale ana ndzeru zakutaika na adasoweka undimo mwene, ale ananyerezera kuti pyakuphembera ndi pinthu pyakusaka napyo kuwina.
Mbwenye anafuna kukhala apfumi asagwa m'manyengerero, na m'misampha na mwakufuna pizinji pyakusowa ndzeru na pyakugopsa, pinakwata anthu kuti agwe mu nyatwa na mwakutaika.
Thangwi kufuna maka kobiri ndi n'chici wa pyakuipa pyonsene. Anthu anango, na thangwi ya kusirira maka kobiri, asiya kukhulupira mbathabuka okha ene na nyatwa zizinji.
Menya nkhondo yadidi ya kukhulupira, kwata upulumuki wa kwenda na kwenda Ule udacemererwa iwe, pontho mbuucitira umboni wadidi patsogolo pa anyamaso azinji.
Kupangizika kweneku, Mulungu anati akusimbise n'dzidzi wace ungakwana. Mulungu mbasimbwe, pontho ndiye basi Ntongi ekha, Mambo wa amambo, Mbuya wa a mbuya,
ndiye basi anakhonda kufa, pontho asakhala pa cieza cakukhonda kufikika, Iye nkhabe munthu adamuona pontho nkhabe kwanisa kumuona. Kukuzwa, pontho na mphambvu za kwenda na kwenda mbizikhale na Iye. Ameni.