Bohle ba e lego ba bohlanka bja go tlengwa, ba tsebe ge beng ba bona ba loketšwe ke kgodišo ka moka, gore ina la Modimo, le thuto, di se ke tša gobošwa.
Ba ba nago le beng ba e lego badumedi, ba se ke ba ba nyatša, gobane ke bana babo; a ba tiiše go ba hlankela ka ge e le badumedi le baratiwa ba go setšwa ka mokgwa woo. -- Ruta batho ka go realo, o ba eletše ka mokgwa woo.
o foufetše ka boikgogomošo, mola a sa tsebe selo; bolwetši bja gagwe ke go bata dikgang le diphetolano tša go tsoša mona le tšhitano le maroga le kgonono tše mpe,
le diphapang tša lefela tša batho ba ba senyegilego kgopolo, ba ba timetšwego ke therešo, ba ba rego borapedi a e be bja go inyakela leruo ka bjona. Ba ba bjalo kgaogana nabo.
Gobane ba ba ratago go huma ba wela melekong le mereong; ba ya le dikganyogo tše ntši tša bošilo tše di gobošago motho tša mo senya, tša mo tekesetša tshenyegong le tahlegong.
Mong a bophelo boilalehu ke yena a nnoši; o agile seetšeng se se sa fihlelwego, yo go sego motho wa go mmona le go ka mmona, mong a theto le bogoši bja neng le neng. Amene.
Bahumi ba mehleng ya bjale ba laele o re ba se ikgodiše, ba se holofele lehumo la go tla le go tloga; ba holofele Modimo e a phelago; e a re fago tšohle gore di re natefele.