Sabab sabbanna sengko' ban ba'na kabbi reya budhu keya, padha nyaleyot ban ta' atoro' oca'. Sengko' ban ba'na kabbi padha ekobasae acem-macem napso ban pangaterro; possa' ban neyat se hat-jahat ban ere atena, sarta saleng baji'.
Sengko' ban ba'na epasalamet, banne polana la ajalannagi lalakon se becce', tape polana Salerana dibi' neser ka sengko' ban ba'na. Sengko' ban ba'na epasalamet kalaban parantara'anna Errohna Allah, se apareng kalahiran se anyar ban odhi' se anyar kalaban maccowe sengko' ban ba'na.
sopaja lantaran rahmadda Isa, sengko' ban ba'na daddi bagus pole hubunganna ban Allah, sarta'anna sengko' ban ba'na olle odhi' se saongguna tor langgeng se la pajat erep-arep.
Ca'-oca' jareya bendher onggu. Paenga' pagu-onggu ra-parkara reya sopaja reng-oreng se parcaja ka Allah jareya aehteyar gu-onggu ngalakone lalakon se becce' ban aguna ka sakabbiyanna oreng.
Mon sengko' la ngotos Artemas ban Tikhikus ka ba'na, duli aehteyar sopaja ba'na se duliya bisa entar ka sengko' e Nikopolis, sabab sengko' aneyat ennengnga e dhissa' saabidda mosem cellep.
Reng-orengnga sengko' ban ba'na kodu ajar ngalakone ra-parkara se bagus sopaja bisa notobi kabutowan se ce' parlona; ja' sampe' reng-oreng jareya odhi' ta' aguna.
Tan-taretan se apolong ban sengko' e dhinna', padha akerem salam ka ba'na. Panapa'agi keya salam sengko' ban ca-kanca e dhinna' ka ca-kanca se saiman. Moga-moga Allah aparenga berkadda ka ba'na kabbi. Salam sengko',