च्योलोई परमेश्वरे की महिमाको उज्यालो छै, और उ हर तरीका ले परमेश्वरो को जसो छै। अपून शक्तिशाली बचनून का द्वारा, उ सबै स जो बनाई ग्योछ बनिना को रून खिन मद्दत करछो। उले लोगून उनार पापून भटे शुद्ध करछ्य, और येक बाद स्वर्ग में महिमामय परमेश्वरा का दैन तरफ जाभेरन बैठ छै।
पवित्रशास्त्र में परमेश्वरे ले अपून कोई ले स्वर्गदूत थैं इसो नै क्यो, “तै म्येरो च्योलो छै; और आज मैं यो प्रकट करछूँ, कि तै म्येरो च्योलो छै।” फिर, उले इसो अपून कोई ले स्वर्गदूत थैं नै क्यो, “मैं उको पिता बनूलो, और उ म्येरो च्योलो होलो।”
तै भल कामून है प्रेम और बुरा कामून है बैर राखछै; येक कारण मैं, त्यारा परमेश्वर ले, तैंस चुन रैछ और त्यारा सब दगड़ियान है ज्यादा तैंस आदर और आनन्द दी रैछ।”
तब, स्वर्गदूतून को हुना को कि मक्शद छै? स्वर्गदूत उन छन जो परमेश्वर की सेवा करनान; और परमेश्वर उनून उन लोगून की देखभाल करून खिन भेजछो जो उद्धार पान वाला छन।