Kambe masikwini lawa yohetelela, xivulavulile na hina hi N'wana, lweyi ximuvekeke kuva maja ndzhaka wa svilo hinkwasvu, lweyi na svona xitumbuluxeke tilo ni misava ha yena.
Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,
Xana hi yihi ntsumi leyi Xikwembu xitshamaka xiku ka yona: “U n'wananga, namuntlha nikuvelekile”; kumbe kuyengeta xiku: “Nitava tatana ka yena, yena ava n'wana ka mina” ke?
Xana Xikwembu xitshama xibzela yihi ka tintsumi xiku: “Tshama vokweni ra mina ra xinene, nikondza niveka valala va wena hansi ka minkondzo ya wena” ke?