Adat semina ayuk utai ti badas ti deka datai, ukai utai nya empu. Nya kebuah iya, ngena piring ti dienjuk enda ngetu-ngetu tiap taun, enda ulih ngaga orang ke datai semak ngagai Allah Taala nyadi pemadu badas.
Enti iya ulih, endaka piring nya badu agi dienjuk, laban orang ke nyembah tentu dituchi sekali aja ke belama iya, lalu nadai agi ngasaika diri agi bedosa?
“Tu sempekat ti deka digaga Aku enggau sida udah bekau nya ila, ku Tuhan bejaku: Aku deka nyimpan Adat Aku dalam ati sida lalu nuliska Adat nya dalam runding sida.”
aram kitai datai semak ngagai Allah Taala, mai ati ti tuchi, enggau pengarap ti bendar, laban ati kitai udah dipechik lalu dituchi ari penyalah, lalu tubuh kitai udah dibasu ngena ai ti tuchi.
enda ngelengkaka pengawa begempuru, baka sekeda orang, tang meransang pangan diri, lalu bebendar agi ngereja nya laban kita meda Hari Tuhan nyau semak.
Dalam runding kita, baka ni ku pemalat ukum ti patut ditatka orang ke udah ngelunjak Anak Allah Taala, ke udah busung ngelaban darah sempekat ti udah dikena nguduska sida, lalu udah ngeleseka Roh Kudus ti meri pengasih?
Kita kasihka orang ke ditutup dalam rumah jil, lalu kita gaga ati nejuka orang ngerampas utai kita, laban kita nemu diri bisi pesaka ti manah sereta tan agi.