Kay sanglit ang kasogoan may landong lamang sang maayong mga butang nga palaabuton sa baylo sang matuud nga dagway nila, indi nga mas-a ini, paagi sa amo nga mga halad nga ginahalad nila sing dalayon tuigtuig, makahimpit sang mga nagapalapit.
Niyan nagsiling ako, ‘Yari karon, nagaabut ako sa paghimo sang imo kabubut-on, O Dios,’ subong nga nasulat nahanungud sa akon sa linokot nga tolon-an.”
Sang nagsiling sia sa ibabaw, “Indi ka buut ukon nahamuut sa mga halad kag mga dolot kag mga halad-nga-sinonog kag mga halad-tungud-sa-sala” (ini sila ginahalad sono sa kasogoan),
Kag ang tagsa ka sacerdote nagatindug adlawadlaw sa iya pag-alagdan, nga nagahalad sing liwatliwat sang amo nga mga halad, nga indi gid makakuha sang mga sala.
“Amo ining katipan nga himoon ko sa ila sa tapus sadtong mga adlaw, nagasiling ang Ginoo: Ibutang ko ang akon mga kasogoan sa ila mga tagiposoon, kag sa ila mga hunahuna isulat ko ini sila,”
magpalapit kita nga may bunayag nga tagiposoon sa bug-os nga kalig-onan sang pagtoo, nga nawisikan sing matinlo ang aton mga tagiposoon gikan sa malaut nga kaisipan kag nahugasan ang aton mga lawas sa tubig nga matinlo.
nga wala nagabiya sang aton pagtilipon sing tingub, subong sang kinabatasan sang iban, kondi nagalinaygayay ang isa kag isa, kag labi pa gid sa ginatan-aw ninyo nga nagapalapit ang Adlaw.
Daw ano pa kapait nga silot sa hunahuna ninyo ang takus nga pag-ihukom sa iya nga nagsikway sang Anak sang Dios, kag nagpakadibalaan sang dugo sang katipan nga sa amo ginpakabalaan sia, kag nagpasipala sa Espiritu sang bugay?
Kay may kalooy kamo sa mga binilanggo, kag ginbaton ninyo sing malipayon ang paglugus sang inyo mga pagkabutang, sanglit nga nakahibalo kamo nga kamo inyo may maayo pa nga pagkabutang kag isa nga nagapadayon.