Amu tinyei Ng’atutiet uruetab tuguk che miachen che bwanei, ma itondab tuguchoto, maimuchi koyai ichek che rikyin koek che igesunotingei, eng’ tiseiywechoto igoitoi ichek kotugul eng’ kenyit age tugul.
Mwaei ng’alechu mi meto yu kole, Ma imach anan ibaibaitu eng’ tiseiywek ak kagochinoik ak kagochinoik che kibeelei komugul ak che bo tengekwogik, eng’ choto (che kigoitoi ko u ye mwaei Ng’atutiet),
ongerikte anyun eng’ muguleldo ne bo iman eng’ nyiietab kayanet, ko kageis mugulelwekyok kemete kabwatet ne ya, ak kiun borwekyok eng’ beek che tililen:
obwatitoi ano okwek, ng’wanitu ne tia biret ne tun nyoljin kiruokyine inendet ne kigotiech Weritab Jehovah, ak koiit korotikab kayomiset, che kigitilile inendet, koek tuguk che ma tililen, ak kosas Tamirmirietab mieindo?
ye kioegu, eng’ kebeber, che kitang’ang’jin eng’ katewerisiosiek ak kanyililosiek; ak eng’ kebeber, ko kiotinye yamdaet koboto ichek che kicham keyachin ko u noto.
Amu kiorire ichek che ki ratotin, ak ocham eng’ boiboiyet kerebenak tugukwok, amu kiongen ole otinye magornatet ne mie kosiir choto ago ne tebyei koigeny.