Kul teemiya bɛn be sarika ni yɛla ka di be kaman yi mini ba ka bɛ laɣim kpɛhi sarika maa la. Teemiya bɛn diri wahala yɛla ka di be kaman yi mini ba n-laɣim diri wahala maa la.
Chɛliya ka amiliya lɔbu mali jilima sokam sani, ka chɛliya ka yidan’ min’ o paɣa ʒe tab’ yim bɛ daamiliya lɔbu puuni; dama Naawuni ni kari niŋgbuŋ kɔrɛnim’ mini bɛn niŋdi zina saria.
Teemiya yi zuɣulaannim’ bɛn daa wuhi ya Naawuni yɛtɔɣa la yɛla, ka kpahimya bɛ biɛhigu ni daa nyɛ shɛm hal ti paai kum la, ka chɛliya ka yi yɛda niŋbu be kaman bɛ yɛda niŋbu.
Di chɛliya ka wuhibu balibubalibu mini wuhibu kɔŋkɔba din be di ko la birigi ya; di niŋ kamaata ni ti nya suhukpaŋsibo la Naawuni daanfaani puuni, ka pa ni bindira chihibu din bi sɔŋdi bɛn doli di wuhibu sol’ la.
Dama maligumaaniba zuɣulana daa yi zaŋdila biŋkɔbiri ʒim kpɛri Luɣ’ Kasi Zaa Kasi Shee la ti maani sara alahichi zuɣu, ka chɛ ka bɛ zaŋdi biŋkɔbiri maa zaɣ’ muna yiri tin’ tariga ti nyɔri buɣim.
Deemiya yi zuɣulaannim’ noli ka doli bɛ wuhibu, dama bɛna n-kul guli ya ka nyɛ bɛn ti yɛn wuhi bɛ tuma ni nyɛ shɛm yi sani Naawuni tooni. Yi yi doli bɛ wuhibu, bɛ ni tum bɛ tuma ni suhupiɛlli ka pa ni suhugarigu, dama bɛ yi malila suhusaɣiŋgu di ku kun ya buchi.
timiya binshɛɣukam din viɛla, ka yi tooi tum o yubu; ka lan chɛ ka yi tum din ni tiɣ’ o nini yi bebu ni Yisa Masia zuɣu. Ŋuna n-simdi tibigibu hal ni saha din ka bahigu. Ami.