कैदीन को इसकैं हाल-चाल पुछनै रौ, समझा कि तुम ले उनार दगाड़ कैद में छा। जो लोग दुखी करि जानान, उनोरो ले यो समझभेरन हाल-चाल पुछा करा, जसकैं कि तुम ले उनार दुख में शामिल छा।
ब्या सब लोगून में सम्मान की बात समझी जौ, और यो रिश्ता में घरवाली और घरवालो एक-दुसरा का प्रति वफादार रून। किलैकी परमेश्वर ब्यभिचारीन, और दुसरा स्यैनिन का दगाड़ नाजायज रिश्ता राखूनवालान को का न्याय करोलो।
तुम अपूनास धन-दौलत का लालच है दूर राखा और जो तुमार पास छै, उमेंई खुश रौ। किलैकी परमेश्वरेले खुद के रैछ, “मैं तैंस कभै ले नी छोडूलो, और तैंस कभै ले नी त्यागूँलो।”
जो तुमार अगुवा छ्या, और जिनूनले तुमून परमेश्वरो को बचन सुणाछ, उनून याद राखा; और ध्यान ले उनार जीवन स देखा, कि कसीकैं उनूनले अपूनो जीवन जीछ, और मरून तक परमेश्वरा का विश्वास में वफादार बनिना का रियान। येक कारण हमून ले ऊसोई परमेश्वर में विश्वास करूनो चैछो जसो उनूनले करिना को छ्यो।
किलैकी यीशु मसीह कभै नै बदलनो, तुमून इन सबै नय्या और अलग-अलग शिक्षान को पालन नै करून चैनो जो तुमून गलत बाटान में ली जानान। किलैकी तुमार मनून खिन यो निकोछ कि परमेश्वरा का अनुग्रह का द्वारा मजबूत बना, नै कि उन नियमून का मानना का द्वारा जो खानाका बारिमें छन, खाना-पीना सम्बन्धी प्रार्थनान का द्वारा केको भलो नै भ्यो।
अपून अगुवान की माना; और उनार अधीन रौ, उन तुमून नजर राखिना का छन ताकि तुम भटक नै जा। किलैकी उनून अपूनी सेवा को लेखा परमेश्वरेस दीन पड़ोलो। तुम उनेरि माना, ताकि उन यो काम स खुशी ले करून, किलैकी उदास होभेरन सेवा करून है के फैदा नी होलो
और अब, शान्ति दीन वाला परमेश्वर, हमार प्रभु यीशु मसीह स हमेशा की वाचा का द्वारा ज्यूनो कर दीछ, तुमून उन सब चीजून है भरपूर करौ जिनरी तुमून उकी इच्छा पुरी करून खिन जरूरत छै। यीशु मसीह का सामर्थ के द्वारा उ तुमूनमें उ सब उत्पन्न करौ जो ऊस खुश करछा। यीशु महान वाचा द्वारा भेड़ून को महान ग्वाला बन ग्योछ, जैमें उक खून का द्वारा दसकत करि ग्यान। उकी महिमा हमेशा-हमेशा हुनै रौ। आमीन।
हे म्यारा विश्वासी भाईयो, मैं तुम थैं बिनती करछूँ, कि यो चिठ्ठी को संदेश की बातुन धैर्य ले सुणा, जो मैंले तुमून हौंसला दीन खिन लिखीनाक छन। मैंले तुमून यो चिठ्ठी में भौत ज्यादा बात नै लिख राँख्या।