|
| 1 |
|
| ಇಂಚ ಉಪ್ಪುನಗ ದೇವೆರೆ ವಿಶ್ರಾಂತಿಡ್ ಸೇರೊಲಿ ಪನ್ಪಿ ವಾಗ್ದಾನ ನನಲಾ ಉಪ್ಪುನೆಡ್ದ್ ನಿಕ್ಲೆಡ್ ಏರಾಂಡಲಾ ಆ ವಾಗ್ದಾನದ ಫಲೊನು ಪಡೆಯಂದೆ ತತ್ತ್ದ್ ಪೋಯೆರೆ ಬಲ್ಲಿ ಪಂಡ್ದೇ ನಮ ಪೋಡಿಯೊನುಗ. |
|
| 2 |
|
| ಅಕ್ಲೆಗ್ ತೆರಿಪಾಯಿನ ಸುವಾರ್ತೆನ್ ನಂಕ್ಲಾ ತೆರಿಪಾದ್ಂಡ್. ಆಂಡ ಆ ಕಾಲೊಡು ಕೇಂಡಿನಾಕುಲು ನಂಬಂದೆ ಇತ್ತಿನೆಡ್ದ್ ಆ ಸಂದೇಶೊಡ್ದು ಅಕ್ಲೆಗ್ ವಾ ಪ್ರಯೋಜನಲಾ ಆಯಿಜಿ. |
|
| 3 |
|
| ದೇವೆರೆ ಕಾರ್ಯೊಲು ಲೋಕದ ಆದಿಡ್ದೇ ಮುಗಿದ್ ಆಯನ ವಿಶ್ರಾಂತಿ ತಯಾರಿತ್ತ್ಂಡಲಾ, ಆಯೆ, “ಎನ ವಿಶ್ರಾಂತಿಡ್ ಮೊಕುಲು ಸೇರುನೇ ಇಜ್ಜಿ ಪಂಡ್ದ್ ಕೋಪೊಡು ಆಜ ಪಾಡೊಂಡೆ ಅಂದ್ದ್ ಪನ್ತೆ ಅತ್ತಾ?” ನಂಬಿನ ನಮಾಂಡಲಾ ಆ ವಿಶ್ರಾಂತಿಡ್ ಸೇರೊಂದೇ ಉಲ್ಲ. |
|
| 4 |
|
| ಒಂಜಿ ಕಡೆಟ್ಟ್ ಏಳನೇ ದಿನತ ಬಗೆಟ್, ದೇವೆರ್ ತನ ಸೃಷ್ಟಿದ ಕಾರ್ಯೊಲೆನ್ ಮಾತೆನ್ ಮುಗಿತ್ದ್ ಏಳನೇ ದಿನೊಟು ವಿಶ್ರಾಂತಿ ದೆತ್ತೊಂಡೆ ಪಂಡ್ದ್ ಬರೆತ್ಂಡ್. |
|
| 5 |
|
| ಆಂಡ ನನೊಂಜಿ ಕಡೆಟ್ಟ್, “ಮೊಕುಲು ಎನ ವಿಶ್ರಾಂತಿಡ್ ಸೇರುನೇ ಇಜ್ಜಿ,” ಅಂದ್ದ್ ಪನ್ತೆ. |
|
| 6 |
|
| ಇಂಚಾಯಿನೆಡ್ದ್ ಆ ವಿಶ್ರಾಂತಿಡ್ ಕೆಲೆವೆರ್ ಸೇರೊನೊಡು ಇನ್ಪಿ ಪಾತೆರ ನನಲಾ ಉಪ್ಪುನೆಡ್ದ್ ದುಂಬು ಸುವಾರ್ತೆದ ಪಾತೆರೊನು ಕೇನಂದಿನಾಕುಲು ಅವಿಧೇಯರಾಯಿನೆಡ್ದ್ ಐಟ್ಟ್ ಸೇರಂದೆ ಪೋಯೆರ್. |
|
| 7 |
|
| ಸುಮಾರ್ ಕಾಲ ಪೋಯಿ ಬೊಕ್ಕ ಆಯೆ ದಾವೀದನ ಬಾಯಿಡ್ದ್ ಪಾತೆರ್ದ್ “ಈ ಪೊರ್ತೇ” ಅಂದ್ದ್ ಕುಡೊಂಜಿ ದಿನೊನು ನೇಮಕ ಮಲ್ಪುವೆ; ಎಂಚಂದ್ಂಡ, “ಇನಿ ನಿಕುಲು ದೇವೆರೆನ ಸ್ವರೊಕ್ಕು ಕೆಬಿ ಕೊರಿಯರ್ಡ ನಿಕ್ಲೆನ ಉಡಲ್ನ್ ಕಠಿಣ ಮಲ್ತೊನಡೆ,” ಪಂಡ್ದ್ ಮಿತ್ತ್ದ ವಚನೊಡು ಪನ್ಪೆ. |
|
| 8 |
|
| ಯೆಹೋಶುವೆ ಅಕ್ಲೆನ್ ಆ ವಿಶ್ರಾಂತಿಡ್ ಸೇರಾದಿತ್ವೆಡ ದೇವೆರ್ ಐಡ್ದ್ ಬೊಕ್ಕ ಬೇತೆ ಒಂಜಿ ದಿನತ ಸುದ್ಧಿ ಪನ್ತ್ವಯೆ. |
|
| 9 |
|
| ಅಂಚಾಯಿನೆಡ್ದ್ ದೇವೆರೆ ಜನೊಕುಲು ಅನುಭವ ಮಲ್ಪೆರೆ ಉಪ್ಪುನ ಸಬ್ಬತ್ ಪನ್ಪಿ ವಿಶ್ರಾಂತಿ ನನಲಾ ಉಂಡು. |
|
| 10 |
|
| ಎಂಚಂದ್ಂಡ ದೇವೆರ್ ತನ ಕೆಲಸೊಲೆನ್ ಮುಗಿತ್ದ್ ಎಂಚ ವಿಶ್ರಾಂತಿ ದೆತ್ತೊಂಡೆನಾ, ಅಂಚೆನೇ ದೇವೆರೆ ವಿಶ್ರಾಂತಿಡ್ ಸೇರ್ದಿನಾಯೆಲಾ ತನ ಬೇಲೆಲೆನ್ ಮುಗಿತ್ದ್ ವಿಶ್ರಾಂತಿ ದೆತ್ತೊನ್ವೆ. |
|
| 11 |
|
| ಅಂಚಾದ್ ನಮಡ ಒರಿಯಾಂಡಲಾ ಅಪನಂಬಿಕೆಡ್ ಬೂರಂದಿಲೆಕ್ಕ ಆ ವಿಶ್ರಾಂತಿಡ್ ಸೇರಿಯೆರೆ ಪ್ರಯಾಸ ಮಲ್ಪುಗ. |
|
| 12 |
|
| ದಾಯೆಗಂದ್ಂಡ, ದೇವೆರೆ ಪಾತೆರ ಜೀವ ಇತ್ತಿನವು, ಕಾರ್ಯ ಮಲ್ಪುನವು, ವಾ ಇರ್ಬಾಯಿದ ಕತ್ತಿಡ್ದ್ಲಾ ಪರ್ತೆದವು. ಆತ್ಮ ಪ್ರಾಣೊಲೆನ್ ಕೀಲ್ದ ಚರ್ಬಿಲೆನ್ ಭಾಗ ಮಲ್ಪುನ ಮಟ್ಟೊಗ್ಲಾ ಪೋಪಿನವು. ಉಡಲ್ದ ಆಲೋಚನೆಲೆನ್ಲಾ, ಉದ್ದೇಶೊಲೆನ್ಲಾ ಶೋಧಿದ್ ತೂಪಿನವು ಆದುಂಡು. |
|
| 13 |
|
| ನಮ ಏರೆಗ್ ಲೆಖ್ಖ ಒಪ್ಪಿಯಾವೊಡಾ ಆಯನ ದೃಷ್ಟಿಗ್ ಸಮಸ್ತಲಾ ಮದೆ ಆವಂದೆಲಾ ಬಯಲಾದಿತ್ತಿನವುಲಾ ಆದುಂಡು. ಆಯ ಸನ್ನಿಧಾನೊಡು ತೋಜಂದಿನವು ಸೃಷ್ಟಿಡ್ ಒಂಜಿಲಾ ಇಜ್ಜಿ. |
|
| 14 |
|
| ಪರಲೋಕೊಲೆನ್ ದಾಂಟ್ದ್ ಪೋಯಿ ದೇವೆರೆ ಮಗೆ ಯೇಸು ಇನ್ಪಿನಾಯೆ, ಪ್ರಧಾನಯಾಜಕೆ ನಂಕ್ ಉಪ್ಪುನೆಡ್ದ್ ನಮ ಮಲ್ತ್ದಿನ ಅರಿಕೆನ್ ಗಟ್ಟಿ ಪತ್ತೊನುಗ. |
|
| 15 |
|
| ದಾಯೆ ಪಂಡ ನಂಕುಪ್ಪು ಪ್ರಧಾನಯಾಜಕೆ, ನಮ ಬಲಹೀನತೆಲೆಡ್, ಆಯೆ ಕನಿಕರದಾಂತಿನಾಯೆ ಅತ್ತ್. ದಾಯೆಗಂದ್ಂಡ ನಮ ಲೆಕ್ಕನೇ ಮಾತ ಸಂಗತಿಡ್ ಶೋಧನೆ ಆಯಗ್ಲಾ ಆದಿತ್ತ್ಂಡ್ ಪಾಪ ಮಾತ್ರ ಮಲ್ತ್ದಿಜೆ. |
|
| 16 |
|
| ಅಂಚಾಯಿನೆಡ್ದ್ ನಮ ಕನಿಕರೊನು ಪಡೆಪಿಲೆಕ್ಕಲಾ ನಂಕ್ ತಕ್ಕ ಸಮಯದ ಸಹಾಯೊಗು ದಯ ತಿಕ್ಕುಲೆಕ್ಕಲಾ ಧೈರ್ಯೊಡು ದಯತ ಗದ್ದಿಗೆದ ಕೈತಲ್ ಪೋಯಿ. |
|
|
|
|