Khawsoeih Bawi boeih he tah a tawngpa puei timkah a tuek tih amami yuengah Pathen bii bikung la a khueh. Ahih lawng thawthuengna oen thawlh huihthlutna te a sai.
Te tila te amah khaw voetna a khueh van dawngah thlaangping kah thawlhna bueng ham ohla amah kah thawlhna dawngah khaw luciik buulna thawthueng ham angoe.
A-u khaw amah oen amah te hinyah koei khawsoeih bawi la tuek u thai nawh. Aaron te Pathen lawng a khue tih Khawsoeih Bawi la a awm van angla Pathen kah khuena bueng oen ni khawsoeih bawi la a coengg thai.
Tetih van la te Khrih lawngkhaw amah ngaih ah hinyah koei khawsoeih bawi la coengg nawh. Pathen lawng ahih nala te, “Nang tah ka Capa la na awm; tihin ah Kai tah na Pa la ka awm poen” a tina.
Jesuh lawng dilai dawng a hing veng-ah duekna kalawng amah aka thlawn-thaikung Pathen tengah rung-arap tih mikphi haapcang ruila thangthuina oen a bih. Ahih tah boe a ngaai tih pum a peek dawngah a thangthuina te Pathen lawng a yaak.
Nangmi he tahe vengah cangpueikung saya la pateng na awm u ham khoek thlai poen de, Pathen kah awl te akungcuek kalawng nangmi cang puei ham thlaangtloe te tahe toe na ngoe u hun. Nangmi lawngah buh tangtang te na caak u thai ham awm poen de tahe toe ah suuktui na awkk u khaak hun.