Goleke morabi te lla angle lligo ni ka ava bare ta muka pe iek rig e purve ezgode kai sikilam katar o Kristo. Na iri amen pale kai e mai palune ezgode kai phenen te muka o bilachipe, te lla pala o Kristo, te muka o bilachipe kai inllarel kai o meripe, o kai morabi te pacha ando Del,
o e orba katar o kristope, o e orba katar e va thodine pe manus kai pachan, o e orba cheres sar ka usten katar o meripe e mule, o katar e kris kai si te avel.
Soke o Del si chacho ta ni ka bristarel so tumen cherden, ta o volipe kai sikaden leke kana pomozisarden e llenen katar o foro santo, ta sar llik akana tumen cheren le.
Goleke kana o Del mangla te sikavel bristomaia e llenenge kai saia te len o barvalipe kai vou phendaia lenge, jala lenge sovel kai ka cherel gia sar phendaia lenge kai ka cherel.
A sar o Del ni kojavel, leko alav kai dia ta leke sovel kai jala nasti pharrudon. Katar gala ezgode la zor, soke amen manga te arakhel amen o Del ta pacha kai vou ka del amen so phenda.
Gava so adurichara cherel amen te ava zurale sargo iek ankla katar e llimia kai cherel la te achel pe iek than ta te na miskolpe. Gava so adurichara si so nakhlo pe ogoia rig katar o chiti ando Cher e Devleko kai si ando miloso.