Čačes, kodo Melkitsedek, amperato anda o Salem, rašai katar o Del Mai Vučo, gelo angla o Abraham kana vo avelas palpale katar o marimos kai xasarde le amperatson, ai svintsisardias les.
Ai o Abraham dias deš anda šel anda so vo lias, — ke o Melkitsedek si angla savořende «amperato la krisako», sar lesko anav, porme amperato anda o Salem, sar si te phenas, «amperato la patiako».
Vo si bi dadesko, bi dako, bi vitsako, kai nai či arakhadilo — phende — ai či mulo, — numa kai si sa jekh fialo sar o Šiav le Devlesko, — kudo Melkitsedek bešel rašai pe sakda.
Kudala anda le šiave katar o Levi kai služin le Devles si le, sar si o zakono, e ordina te len jekh anda šel katar o narodo, si kudia, pe le phral, kai vi von si anda o prašav katar o Abraham;
Zakono kai sas dino ka o narodo Israel. Te si pria lašio e butji kai keren le Levituri kana služin le Devles — sa pe kudia služetsia le Levitongi ke hodinil o, soske trubul te mai avel kaver raša andeevitsa katar o Melkitsedek, ai na ande e vitsa katar o Aron?
Sas amenge mai mišto, čačes, t'avel amen jekh baro rašai sar leste, svinto, bi došako, bi makhlo, hulado katar le bezexale, ai vazdino opral pa o čeri,
kai či trubul les, sar le bare raša, te del sako dies sakrifisuri, angla savořende pala peske bezexa, atunči pala o narodo, ke kudia, vo kerdias la jekh data pe sa kana dias pe vo sar sakrifiso.
Čačes, o Zakono thol sar bare raša le manušen kai si len lengo kovlimos; numa e vorba la solaxaki kai avili pala o Zakono thodias le Šiaves ai si laši pe sakda.