कदी चु एक असा भक्ती करनेन जागा भक्ती करे चो छाचलीन सरग मां हवणी पुजा-पाटेन सहलाणी छे। जत्यार मुसु तम्बु बणावणे हींडतेलु, ती तीनाक भगवान जो कय्न चीतायु की “देख, मे बयड़ा पर तम्बुन जी सहलाणी देखाड़लु छे, तेरेत अनसारे तु तम्बु बणावजी।”
बाकुन भगवान काजे जुन्ली बुली पाळन्या माणसे मां कसर देखाव पड़ी, हेरेसी चु कह्यु; “सामळु! भगवान मालीक जुर सी कह्यु, ची टेम आवसे, तीने टेमे मे ईस्रायेली ने यहुदी माणसे साते, एक नवली बुली करीस।
अळी भगवान मालीक कह्यु: ‘मे जी बुली आवणेवाळा दाहड़ा मां ईस्रायेली माणसे साते करीस, ची जी छे की, मे मारा कायदा काजे तींद्रा मनो मां मेल दीस, ने मे तीनु कायदा काजे तींद्रा छाती मन मां लिख दीस, ने मे तींद्रु भगवान कहवायीस, ने चेत मारा माणसे कहवायसे।’