ne tinyei kapkorosutab tahabu, ak moingetab arorutiet ne kigiliige tahabu komoswek tugul, ole kimi teret ne bo tahabu ne kimi mana, ak kiroktab Aron ne kiing’ati, ak koik che bo arorutiet;
ago, kiwendi tisiindet ne o inegei emait ne bo aeng’ konyil agenge eng’ kenyit, ama wendi ama tinyei korotik, che igoitoi agobo ge, ak agobo lelutikab bik:
ne kalewenetab betusiechu; kigigoitoi eng’ kalewenonoto agine kagochinoik ak tiseiywek, che maimuchi koyai chito ne saei koek ne igesunotgei eng’ kabwatennyi,
Ago Kristo, ye kingo kagonyo, ne inendet tisiindet ne o ne bo tuguk che miach che tun bwanei, eng’ emait ne o ak kogesunotgei kosiir, ne ma kiyae eunek, ye kiweech, ko ma bo ng’onyuni,
kotilili anyun ne tia korotikab Kristo, ne kiigochigei Jehovah eng’ Tamirmiriet ne bo koigeny, ko matinyei berut, kotilil kabwateng’wong’ eng’ boisiosiek che meiyotin si oboisiechi Jehovah ne sobei!
Ak amu ng’olyondonito inendet ko katuiyoindetab kayomiset ne leel, si kobiit konyor che kigeguur, arorutietab borotet ne bo koigeny, ye kingo kagobiit meet agobo katiagetab bistaosiek che kimitei eng’ kayomiset ne bo tai.
Amu ye kingo kagomwachi Musa bik tugul kayomiset age tugul ko u eng’ Ng’atutiet, konam korotikab moek ak che bo kwesik, koboto beek ak kororik che biriren ak husop, ak kois bukuit, ak bik tugul,
Amu kima mong’ji Kristo ole tilil ole kigiyae eunek, ne karogutietab tugukab iman; ago kimong’ji kipsengwet inendet, si kotoogu eng’ taitab Jehovah agoi achek:
amu nda ki u noto anyun ta kinyoljin konyalil konyil che chang’ koboch ngelumda ng’ony: ago kagong’ang’ak nguno konyil agenge eng’ kagesunetab kenyisiek si kobiit koisto tengekto eng’ tiseiywot ne ki inendet.
ko u noto Kristo agine, kingo kagigoito konyil agenge si koib tengekwogikab che chang’, ko tun toogu ne bo aeng’, ma agobo tengek ago, eng’ ichek che igeni inendet, agoi yetunet.