ne tinyei kapkorosutap thahabu, ak moingetap arorutyet ne ki kiliige thahabu komoswek tugul, ole ki mi tereet ne po thahabu ne ki mi mana, ak kirokto ne po Aron ne ki ing'ati, ak koik che po arorutyet;
ago, kiwendi tisiindet ne oo ineegei emait ne po aeng' konyil agenge eng' kenyiit, ama wendi ama tinyei korotiik, che igoitoi agobo kei, ak agobo lelutigap piik.
ne kalewenetap peetuusyechu; ki kigoitoi eng' kalewenonooto agine kagoochinoik ak tiseiywek, che ma imuuchi koyai chiito ne saaei koek ne ititaat eng' kabwaatennyi,
amu (kobooto amitwogik ak che kieei ak kaunsosyek che teerchiin) chooto ko ng'atuutik che po poorto kityo, che ki king'at agoi peetuusyek che po kalititet.
Ago Kristo, ye kingo kagonyo, ne ineendet tisiindet ne oo ne po tuguuk che myach che tuun pwoonei, eng' emait ne oo ak kogesunotkei kosiir, ne ma kiyae eunek, ye kiweech, koma po ng'wonyuni,
ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.
kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!
Ak amu ng'olyoondoniito ineendet ko katuiyoindetap kayomiset ne leel, si kobiit konyoor che kigeguur, arorutyetap poroteet ne po koigeny, ye kingo kagobiit meet agobo katyagetap pistaosyek che ki miitei eng' kayomiset ne po tai.
Amu ye kingo kagomwachi Musa piik tugul kayomiset age tugul ko uu eng' Ng'atuutyet, konam korotiigap moek ak che po kwesik, kobooto peek ak koroorik che piriireen ak husop, ak kois bukuit, ak piik tugul,
Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:
amu nda ki uu nooto anyun ta kinyooljin konyalil konyil che chaang' kobooch ngelumda ng'wony; ago kagong'ang'ak nguno konyil agenge eng' kagesunetap kenyiisyek si kobiit koisto tengekto eng' tiseiywot ne ki ineendet.
ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.