Kansi bika yandi lomba mu lukwikilu, ye vanda ntembe ve, kadi muntu ya ikele ntembe, ikele bonso mayo ya mbu, ya ikele kutambula, sika ya mupepe fidisa yo.
Kadi ntangu ikele kutomboka na mbangazi ya yo, ye yumisa matiti, ye bintuntu ya yau ikele kubwa, ye kitoko ya yau ikele kuvila, mpilayai nkwa kimvwama tavila mu kutambula ya yandi.
Kiese ikele na muntu ya vibidila mu mpukumunu, kadi bu yandi imene kupukumunwa ya lunga, yandi tabaka koloa ya moyo ya Mfumu silaka kwa bau ya zola yandi.
Bika muntu tuba ve, bu yandi pukumunwa: Mono pukumunwa na Nzambi, kadi Nzambi lenda ve kupukumunwa na mambu ya mbi, ye yandi kibeni ikele kupukumuna muntu ve. 1 Kol. 10:13
Matabisi yonso ya mbote ye ya lunga ikele kukatuka na zulu, yau ikele kulumuka tuka Tata ya mwini ya lenda kupinduka ve, ikele kini ya kupinduka ta fioti ve.
Konso muntu ya tala mu nsiku ya lunga, yo ikele nsiku ya kimpwanza, ye yandi vibidila, ye ikele muwi ve ya vila, kansi musadi ya sala, yandi tasakumunwa mu kisalu ya yandi.
Kana muntu banza, na yandi ikele nsambidi ya Nzambi, ye ikele kuyala ludimi ya yandi ve, kansi ikele kukusa ntima ya yandi, nsambilu ya Nzambi ya muntu yai ikele mpamba.
Nsambilu ya kieleka, ye ya kondwa kusumuka nantwala ya Nzambi Tata ya beto ikele yai: Sadisa bau ya konda tata, ye bafwola mu mpasi ya bau, ye dikeba kukondwa ya matona mu nsi.