Mbiko uru nadakpa nifoi rururu, ki niugusi nvuo; mbumbudaha ki nigboroka, gu wene he nangba bangirise si ki paya, kina wo kumukokumuko boro ka paya a rogo gani apai dũ.
Maku du fu gu boro naru nyanyaki rogo asada, bambiko ho i ka bi gani pai ni si rengbe, i afú gu kpakpari unga fu ni, Gbia akido he tipa ha fu agu yo nakpi nyemu ko.
Wene gamahe dunduko, na ziazia ũ gamahe dunduko i nagama ha, si naye ari yo du Ba ni, nga Bafu aimarago, adu nga na satise ti ko ya, na kirima satise a ya.
Were oni mói agu ahe dunduko ku sa yo nabirikosi boro, na gu nga gbegberẽ he a. Oni ki di gu pai ku gume zezeredi nga gu Mbori naru ngbaduroni yo, rengbe na batasa mbisimoroni.
Ono gu ni nangana gu ziazia rugute nga ga raniri, ki nye rogo ho, ka ni adu nga ni gipai nahe tingida pai ya, ono ni du ni mangipai namanga ha, gi boro re i afu maku afu fu ni rogo gani manga sunge.
Ziazia idapambori barangba gaani Mbori, Barani, nga gu agberã nga ya nga gere, nga ka ndu ka bi awirinyaure na adekurugbo rogo gayo rungo, ki nibanda tini be zegino, ka birikoho adu nga ti ni ya.