आणि तुमी त्या चांगला कपळा वाला ले जास्त मान ना संगे सांगो, “तू आठे चांगली जागा वर बठ,” आणि त्या गरीब ले सांगो, “तू तठे उभा राय,” व मना पायस ना जोळे खाले बठ.
ओ मना प्रिय विश्वासी भावूसहोण ध्यान कण आयका, परमेश्वर नि ह्या जग मा गरीब लोकस्ले निवाळी लीयेल शे, कि त्या विश्वास मा मालदार हुई जावोत आणि तेना राज्य ना भागी हुई जावोत, जेले देवाना करार तेनी आपला प्रेम करणारस्ले करेल शे.
पण तुमनी त्या गरीब ना अपमान करेल शे. तुमले माहिती शे कि ज्या मालदार लोक शेतस त्याच तुमना वर अत्त्याचार करतस, आणि त्याच शेतस ज्या तुमले न्यायसाभमा जावाना ना साठे मजबूर करतस.
कारण कि जेनी हय सांग, “तू व्यभिचार नको करजो,” तेनीच हय बी सांग, “तू हत्या नको करजो,” एनासाठे कदी तुनी व्यभिचार त नई कर, पण हत्या करशी तरी बी तुले मोशे ना नियम तुमले आरोपी ठरावस.
ओ मना विश्वासी भावूसहोण, कदी कोणी सांगो कि मले प्रभु येशु मा विश्वास शे पण तेना प्रमाणे व्यवहार नई करत, त तेना काय फायदा? काय असा विश्वास कदी तेना तारण करी सकीन?
आणि तुमना मधून कोणी तेस्ले सांगो, “परमेश्वर तुमले शांती कण जाव, आणि गरम-गरम कपळा घाला आणि पोट भरीसन खावा,” पण तो तेस्ले शरीर ना साठे गरज वस्तू नई देत, त काय फायदा?
कोणी सांगस, “तुले विश्वास शे, आणि मी कर्म करस.” पण मी हय सांगस तू आपला विश्वास मले बिगर काम ना त दाखाळ, आणि मी आपला विश्वास आपला कामस्ना द्वारे तुले दाखाळसु.
आणि परमेश्वर ना पुस्तक ना हवू वचन सत्य ठरणा कि, “अब्राहाम नि परमेश्वर वर विश्वास कर, आणि तेना विश्वास मुळे परमेश्वर नि तेले एक धर्मी माणुस ना रूप मा स्वीकार कर,” आणि तो परमेश्वर ना मित्र म्हणायना.