Sɩngda Sior sẽn tot ne Ezipt n ta Ekrõ sẽn be nug goabga la b sẽn tog n ges wa Kanaã rãmb soolem. Sẽn ket yɛsa, yaa dĩm dãmb a nu wã sẽn da namsd Filisti rãmbã: Gaza dĩm, Asdod dĩma, Askelõ dĩm, Gat la Ekrõ dĩm dãmba; le paasa Avitsã.
Ade, tẽns niyns sẽn zao tãmsa zutã, sẽn sɩng Libã n digd Misrefot-Mayim sẽn be nin-taoore, n paas Sidõ rãmbã, maam n na n dig-b fãa Israyɛl kamb taoore. Fo tʋʋmd yaa f reeg tẽnsã n poees Israyɛl kamb wala Naaba-Wẽnd n kõt-ba la wala m sẽn zoe n wilgã.
Yaa Bazã, a Og soolma zãnga. A Og yaa Refayitsa nin-yend sẽn kell moogo; yẽ n da rɩt naam Astarot la Edreyi Bazã tẽn-peelmẽ. A Moyiiz n da pãb dĩm bãmba b yiibã n deeg b soolem.
A Levi roogo bal la b ka kõ bũmb. Yaa kũuna b sẽn da kõt Soaala, a Israyɛl Wẽnnaama, yaa kũun bãmb pʋgẽ la b ra paamd b pʋɩɩre, wala a Moyiiz sẽn da wilgi.
tãnga pennẽ tẽnsã, a Siyõ soolma zãnga. Yaa Amoritga n da rɩt naam Esbõ. A Moyiiz ra tõoga yẽ ne Madiã rĩm biisi, a Evi, a Rekem, a Sur, a Ur, a Reba: Bãmb da sakda a Siyõ.
n paas Zʋrdẽ bãg-faagẽ tẽnsã: Bɛt-Aram, Bɛt-Nimra, Sukot, Safõ, sẽn yaa Esbõ dĩm, a Siyõ, soolma kelle. Zʋrdẽ kʋɩlgã n da ya toaaga n ta Kinerɛt mogra satmẽ la a leb n yaa toaag yaanga.
Galaad bogra sẽn kellã n paas Astarot la Edreyi, a Bazã dĩm, a Og, soolem, bãmb dɩkame n paas a Manase biig a Makir kamba bogre, wala b sõora sẽn tog ne.