Cihûdayî hatin Gîlgalê ba Yêşû. Kalêvê kurê Yefûnneyê Qenîzzî ji Yêşû re got: “Tu dizanî ku Xudan li Qadêş-Barnêayê ji Mûsayê zilamê Xwedê re çi li ser min û te got.
Va ye, çawa ku wî got, Xudan jiyana min parast. Gava gelê Îsraêl di beriyê de geriya, ji roja ku Xudan ev yek ji Mûsa re gotibû vir ve çil û pênc sal derbas bû. Ez niha heştê û pênc salî me.
Çawa ku Xudan wê rojê gotiye, tu îro vê herêma çiyayî bide min. Te jî wê rojê bihîstibû ku Enaqî li wê derê rûdinin û bajarên wan bi sûr in. Heke Xudan bi min re bibe alîkar, ezê çawa ku wî ji min re gotibû, wan biqewitînim.”