1
Alị wẹ keye ebọn Juda ikp'ụlọ-ikp'ụlọ ru mkpẹnrẹn Ẹdọm, gha a pụ Atụ Zini hụn rị ẹbamịn ndịdan-mirin.
2
Ẹbamịn ndịdan-mirin hụ bidọn ngugu-mirin rị ebe Ohimin Nnu jẹndemẹ ibẹka hụ,
3
ọ ghashi ẹbamịn ndịdan-mirin ugu Akrabim, ọ nọ pụha Zini, ghazị ẹbamịn ndịdan-mirin Kadẹshi-Bania, ghasọnmẹ Hẹzrọnụ d'a pụha Ada hụn rị elu ugu, ọ nọ gbegi shi Kar'ka.
4
Ọ nọ jẹnsọnmẹ d'e ru Az'mọnụ, pụha Iyi-udu-mirin Ijiptu; ọ nọ jẹndemẹ Ohimin Uku Mẹditerenia. Ọnwan wụ ebe alị wẹ gha ẹbamịn ndịdan-mirin.
5
Ẹbamịn ọwụwa-ẹnyanwụn, Ohimin Nnu k'ọ ghasọnmẹ d'e ru ebe Iyi-Jọdanị nọ kunrun Ohimin Nnu. Ẹbamịn-ugu, ebe Ohimin Nnu nọ gu ngugu, ẹhụ ebẹhụ Iyi-Jọdanị nọ kunrun Ohimin Nnu, kẹ ukuu Juda gha bidọn;
6
ọ nọ jẹnsọnmẹ d'e ru Bẹt-Họg'la, d'a pụ ẹbamịn-ugu Bẹt-Araba, gha a d'e ru Ọmụma Bohanị nwa Rubẹni.
7
Ọ nọ ghazị Ọdanmgbugbu Ekọ pụha Debẹ, gha ebahụn gbegi shi ẹbamịn-ugu, ghapụha Gil'galụ hụn rị nchetarị ihun ebe wẹ gha e fetu ugu Adumim, hụn rị nkọ ẹka-ekpẹn Ọdanmgbugbu Ekọ hụ; ọ nọ jẹnsọnmẹ d'e ru mirin ndị ahụn rị Ẹn-Shẹmẹshi, d'a pụha Ẹn-Rogẹlụ.
8
Ọ nọ ghashi Ọdanmgbugbu Bẹn-Hinọm, ẹbamịn ndịdan-mirin obodo ndị Jebusu (ya wụ Jerusalẹm), gha ebẹhụ pụha mkpọnụnụ ugu rị nfetu Ọdanmgbugbu Hinọm ebe Ọdanmgbugbu ndị Rẹfa ru nkọ ẹbamịn-ugu.
9
Alị wẹ ghazị mkpọnụnụ ugu hụ d'a pụha isi-mirin Nẹf'tụa, gha ebẹhụ pụha obodo ndị rị Ugu-Ẹfrọnụ; ọ nọ ghasọnmẹ nkpọtu shi Baala (ya wụ, Kiriatị-Jiarim);
10
ebahụn k'ọ gha gbegi, dọn ihun ẹbamịn ọdịdan-ẹnyanwụn, gha Baala pụha Ugu-Sẹẹ, ghafe shi nkpọtu Ugu-Jiarim (ya wụ, Kẹsalọnụ), gha a ẹbamịn-ugu, ghafe shi Bẹt-Shẹmẹshi, fetu pụha Timna.
11
Ọ nọ ghashi ẹbamịn-ugu Ẹkrọnụ, gbegi shi Shikẹrọnụ, ghafe shi Ugu Baala, pụha Jab'nilu. Ohimin Uku Mẹditerenia k'o jẹndemẹ.
12
Ẹbamịn ọdịdan-ẹnyanwụn, Ohimin-uku Mẹditerenia k'ọ ghasọnmẹ. Ọhụn wụ ebe alị ebọn Juda lẹ ikpụlọ ndị rịn'a rusọnmẹ.
13
Imẹ alị wẹ keye ndị Juda kẹ Joshụa gha ye Kalẹbụ nwa Jefunẹ Kiriatị-Aba hụn wụ Hibrọnụ. (Aba wụ nẹdi ndị adụn-aran Anakị). Ẹrịra kẹ Osolobuẹ gwa Joshụa mẹ ẹ.
14
Ya Kalẹbụ nọ gha imẹ Hibrọnụ chụpụ adụn-aran Anakị ẹtọ: Shẹshaị, Ahimanị lẹ Tal'maị, ndị ẹbozo Anakị.
15
Ọ nọ gha ebẹhụ jẹn d'a lụsọn ndị bi Debẹ ọgụn. (Ihiẹn w'a kpọ Debẹ mbụ wụ Kiriatị-Sẹfa).
16
Kalẹbụ sị, “Okẹnnyẹ hụn sikọ d'a lụsọn Kiriatị-Sẹfa ọgụn, mẹri ẹ, e we m nwa m wụ Ak'sa ye ẹ lụrụ.”
17
Ya Ot'niẹlụ nwa Kẹnazi nwẹnẹ Kalẹbụ nọ mẹri Debẹ; Kalẹbụ nọ we nwa a hụ wụ Ak'sa ye ẹ lụma.
18
O ru ụhụọhịn ohu, Ak'sa nọ bịa d'e kunrun di ẹ wụ Ot'niẹlụ, sị a rịọ nẹdi ẹ alị. Ogẹn Ak'sa gi hidan elu jaki ẹ, Kalẹbụ nẹdi ẹ nọ sị a, “Kị ị chọ nị m mẹni i?”
19
Ọ nọ sị nẹdi ẹ, “Baba, mẹni m ọhụnmanị. Ebe o mẹ ni y'e yegụọ m alị imẹ alị ọkpọ-nkụn Nẹgẹvụ, yezi m nwan isi-mirin ndị m'e wechen'ẹ.” Ya Kalẹbụ nọ ye ẹ isi-mirin ndị rị ibe elu ugu lẹ ndị rị ndịdan.
20
Ọnwan wụ alị wẹ keye ebọn Juda lẹ ikpụlọ ndị rị Juda:
21
Obodo ndị wẹ keye ebọn Juda imẹ alị ọkpọ-nkụn Nẹgẹvụ ebe Juda ru ẹbamịn ndịdan-mirin, nkọ okẹn wẹ lẹ Ẹdọm, wụ ndịnị: Kabzilu, Ẹda lẹ Jaguru;
22
Kina, Dimona lẹ Adada;
23
Kẹdẹshi, Hazọ lẹ Itnanị;
24
Zifu, Tẹlẹm lẹ Bẹ-alọtụ;
25
Hazọ-Hadata lẹ Kẹriọtụ-Hẹzrọnụ (hụn wụ Hazọ);
26
Amam, Shẹma lẹ Molada;
27
Haza-Gada, Hẹsh'mọnụ lẹ Bẹt-Pẹlẹtị;
28
Haza-Shualụ, Biẹshẹba lẹ Biziọtịa;
29
Baala, Iyim lẹ Ẹzẹm;
30
Ẹl'toladị, Kẹsilu lẹ Homa;
31
Zik'lagị, Mad'mana lẹ Sansana;
32
Lẹbaọtụ, Shilihim, Aini lẹ Rimọnụ. Wẹ ile rị nkọnị rị itenẹi kwasị ọgụn; kẹ obodo uku kẹ ụmụ-alị wẹ.
33
Ndịnị wụ obodo Juda rịsọnmẹ ẹbamịn ọdịdan-ẹnyanwụn, ukun ugu ndị rị ebẹhụ: Ẹsh'tawolu, Zora lẹ Ash'na;
34
Zanụa, Ẹn-Ganim, Tapụa lẹ Ẹnam;
35
Jamutu, Adulam, Sọkọ lẹ Azẹka;
36
Shaaraim, Aditaịm lẹ Gẹdẹra mọbụ Gẹdẹrọtaim: wẹ ile rị obodo mmẹnọ lẹ ụmụ-alị wẹ.
37
Obodo ndịnị rịzịkwọ alị wẹ keye ebọn Juda: Zẹnanị, Hadasha lẹ Mig'dalụ-Gadị;
38
Dilianị, Mizpa lẹ Jok'tiẹlụ;
39
Lakishi, Boz'katị lẹ Ẹglọnụ;
40
Kabonu, Lamasị lẹ Kit'lishi;
41
Gẹdẹrọtụ, Bẹt-Dagọnụ, Naama lẹ Makẹda — obodo mmisin lẹ ụmụ-alị wẹ.
42
Obodo ndịnị rịzị nke ebọn Juda: Libna, Ẹta lẹ Ashanị;
43
Ifta, Ash'na lẹ Nẹzibu;
44
Kẹila, Akizibu lẹ Maresha: wẹ ile rị obodo itenẹi lẹ ụmụ-alị wẹ.
45
Ndịnị rịzị Juda: Ẹkrọnụ lẹ ụmụ-alị lẹ alị-ọfịa a;
46
ẹgbata Ẹkrọnụ lẹ Ohimin Mẹditerenia obodo ile nọkunmẹ Ash'dọdụ lẹ ụmụ-alị wẹ rịzị ukuu Juda;
47
Ash'dọdụ lẹ enwẹn ẹ lẹ ụmụ-alị lẹ alị-ọfịa a hụzị a; lẹzi Gaza lẹ obodo ẹ ndị nta lẹ ụmụ-alị a — d'e rukwọrị Iyi udu-mirin Ijiptu lẹ mkpẹnrẹn Ohimin-uku Mẹditerenia.
48
Obodo ndị rịsọnmẹ alị wẹ keye ebọn Juda alị ugu wụ: Shamiri, Jatiri lẹ Sọkọ;
49
Dana lẹ Kiriatị-Sana (hụn wụ Debẹ);
50
Anabụ, Esh'tẹmo lẹ Anim;
51
Goshẹni, Holọnụ lẹ Gilo: wẹ ile rị obodo mmanaị lẹ ụmụ alị wẹ.
52
Arabụ, Duma lẹ Ẹshanị;
53
Janim, Bẹt-Tapụa lẹ Afẹka;
54
Hum'ta, Kiriatị-Aba (hụn wụ Hibrọnụ) lẹ Zịọ — obodo itenẹi lẹ ụmụ-alị wẹ.
55
Ndị ọzọ wụ: Mawọnụ, Kamẹlụ, Zifu lẹ Juta;
56
Jezriẹlụ, Jok'diam, Zanụa;
57
Kaịnị, Gibia lẹ Timna — obodo iri lẹ ụmụ-alị wẹ.
58
Hahulu, Bẹt-Zuru lẹ Gẹdọ rịzị imẹ wẹ,
59
lẹ Maaratị, Bẹt-Anọtụ lẹ Ẹl'tẹkọnụ — obodo isin lẹ ụmụ-alị wẹ.
60
Kiriatị-Baalụ (hụn wụ Kiriatị-Jiarim) lẹ Raba — obodo ẹbụọ lẹ ụmụ-alị wẹ.
61
Ndị rị alị wẹ yesọnmẹ wẹ imẹ alị ọkpọ-nkụn wụ: Bẹt-Araba, Midini, Sẹkaka,
62
Nibshanị, Obodo-Nnu lẹ Ẹn-Gẹdi — obodo isin lẹ ụmụ-alị wẹ.
63
Ndị Juda asanị ẹka chụpụ ndị Jebusu bi Jerusalẹm; ndị Jebusu bikwọ nwan ebahụn d'e ru tannị.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc