×

WẼNNAAM SEBRE 2014

Zozuwe 15

1
Pʋɩɩr ning Zʋʋda buudã sẽn paam wa sẽn zems b rotã toadg sɩngda Edom, n teesd Sĩn we-raoogã sẽnẽ, n tat wĩntoog sẽn lʋɩtẽ.
2
Bãmb soolmã toadg sẽn be goabgã sɩngda ne yamsem ko-kãsengã, a sɩlengã zĩigẽ n be Negɛɛv nen-taoore.
3
A tall n taa Akrabim rʋʋdgã n pɩʋʋgd Sĩn we-raoogã, n dabd Kadɛɛs-Barneya goabga. A rag n tũuda Hɛsron n teesd Adaar sẽnẽ, n wẽnemd n dabd Karka.
4
A lebg n tũu Asmon n tɩ ta Ezɩpt ko-soogã, woto, toadgã teegda ko-kãsengã, la goabgã n na n yɩ yãmb toadga.
5
Yaangã, toadgã sɩnga ne yamsem ko-kãsengã n tall n tɩ tãag Zʋrdẽ kʋɩlgã kɩreng ning sẽn zoet n kẽed yamsem ko-kãsengã pʋgã. La rɩtg toadgã sɩnga ne ko-kãsengã sɩlengã zĩig sẽn teeg Zʋrdẽ kʋɩlgã satmẽ wã.
6
Toadgã tall n tɩ tãaga Bɛt-Holga sẽnẽ, n yit Bɛt-Arba rɩtgã n zẽk n tɩ tãag a Rubɛn yageng a Bohã kugrã,
7
la toadgã kell n tũu Debɩɩr n yegl Akoor longã sẽn be rɩtgã n teesd Gilgall sẽnẽ, n kell n get Adumim rʋʋdgã sẽn be ko-soogã goabgã. A yegda Ɛn-Semees ko-bundmã, n tɩ tãag Ɛn-Rogɛlle.
8
Toadgã tũuda Bɛn-Hinom longã n yegd Zebuus ning b sẽn boond rũndã tɩ Zeruzalɛmã goabga, n zẽk n dʋʋd tãngã sẽn be Hinom longã neng taoorã, n be nin-taoorã, la a yaa Refayim dãmbã longã goabga.
9
Toadgã yita tãngã zug n sigd n dabd Neftoa ko-bundmã, n kell n teesd tẽms nins sẽn be Efron tãngã sẽnẽ wã, n tũud Baala sẽn yaa Kiryat-Yeyarima.
10
Toadgã yii Baala n wẽnemd n tees nin-taoore, Seyɩɩr tãngã sẽnẽ, n yegd weoogã tãms goabg sẽn yaa Kesalõ wã, n sigd n dabd Bɛt-Semeese, n tũud Timna.
11
Toadgã kell n tãaga Ekron kɩrengã, rɩtgo, n kell n sigd n dabd Sɩkeron sẽnẽ, n tũud Baala tãngã zugu, n tɩ tãag Yabneyɛlle, n yek ko-kãsengã.
12
Nin-taoor toadgã sɩngda ne ko-kãsengã ne a kɩremsã. Tod-bãmbã fãa yaa Zʋʋda nebã soolem todse, wa sẽn zems b rotã.
13
B kõo a Yefune biig a Kalɛɛb zĩig a Zʋʋda kambã sʋka, wa sẽn zems Sẽn-Ka-Saab sẽn dag n yeel a Zozoe wã. Yaa Kiryat-Arba sẽn yaa Ebrõ wã. A Arba rag n yaa a Anak ba.
14
A Kalɛɛb riga a Anak kamb a tãabã n yiis beenẽ: yaa Sekayi, Ayimande ne a Talmayi, b fãa yaa a Anak kamba.
15
A Kalɛɛb yii be n tɩ zab ne Debɩɩr nebã. B rag n boonda Debɩɩr tẽngã tɩ Kiryat-Sefɛɛre.
16
A Kalɛɛb yeelame yaa: «Ned ning sẽn na n tõog n zab n deeg Kiryat-Sefɛɛr tẽngã, mam na n dɩka m bi-pugl a Aksa n kõ-a t'a maan a paga.»
17
A Otniyɛll sẽn yaa a Kenaaz biigã, n yaa a Kalɛɛb ba-biigã zab n deega Kiryat-Sefɛɛre. Dẽ, a Kalɛɛb rɩka a bi-pugl a Aksa n kõ-a t'a maan a paga.
18
A Aksa sẽn ta a Otniyɛll yirã, a pirsa a sɩdã t'a kos a ba a Kalɛɛb pʋʋgo. Pagã siga a boangã zugu, la a Kalɛɛb sok-a lame tɩ yaa a wãna?
19
A leokame n yeele: «M nong n kos-y-la bũmbu, bala, yãmb sẽn kõ maam zĩig ningã yaa Negɛɛv tẽn-koɛɛngã. Bɩ y kõ-m ko-bunds zĩis me.» Dẽ, a Kalɛɛb kõo yẽnda ko-bunds zĩis nins sẽn be hal taoorã ne sẽn be-b yambẽ wã.
20
Woto n yɩ Zʋʋda buudã pʋɩɩr wa sẽn zems b rotã.
21
Yaa tẽms nins sẽn be Zʋʋda yagensã soolmã satmẽ wã, sẽn dabd Edom toadgã sẽnẽ sẽn be Negɛɛvã: Kabseyɛlle, Edɛɛre, Yagʋʋre,
22
n paas Kina ne Dimona la Adaada,
23
n paas Kedɛɛs-Hatsoore, Itãne,
24
Zɩfe, Telɛm, Beyalote,
25
Hatsoor-Hadata, Keriyot-Hɛtsron sẽn yaa Hatsoorã,
26
Amam, Sema, Molaada,
27
Hatsaar-Gaada Hɛsmon, Bɛt-Palɛte,
28
Hatsaar-Suwalle, Bɛɛr-Seba, Biziyotiya,
29
Baala, Iyim, Atsɛm,
30
Ɛltolaade, Kesɩlle, Horma,
31
Siklaage, Madmana, Sãnsãna,
32
Lebawote, Silim, Ayin ne Rimon. Tẽmsã fãa sõor yaa pisi la a wɛ ne b tẽn-kɩremse.
33
Tẽms nins sẽn be-b kunkubã sʋkã la woto: Yaa Ɛstaolle, Soreya, Akna,
34
Zanoa, En-Ganim, Tapuwa, Enam,
35
Yarmuti, Adulam, Soko, Azeka,
36
Saarayim, Aditayim, Gedeera ne Gederotayim. Yaa tẽms piig la a naas ne b tẽn-kɩremse.
37
Senan, Hadasa, Migdall-Gaade.
38
Dileyan, Mitspe, Yokteyɛlle,
39
Lakɩɩse, Botskate, Ɛglõn,
40
Kabon, Lakmaase, Kitliisi,
41
Gederote, Bɛt-Dagon, Naama ne Makeda. Yaa tẽms piig la a yoobe, ne b tẽn-kɩremse.
42
Libna, Etɛɛre, Aaza,
43
Yifta, Asna, Netsɩɩbe,
44
Keyila, Akziib ne Maresa. Yaa tẽms a wɛ ne b tẽn-kɩremse.
45
Ekron sẽn so tẽms ninsã ne b tẽn-kɩremse,
46
yaa sẽn sɩng Ekron a nin-taoorã, la tẽms nins fãa sẽn pẽ Asdoodã ne b tẽn-kɩremsã.
47
Asdoode, ne tẽms nins yẽnda sẽn so wã ne b tẽn-kɩremse, Gaaza ne a sẽn so wã, ne b tẽn-kɩremse, hal n tɩ tãag Ezɩpt ko-soogã, la ko-kãsengã ne a kɩrengã.
48
Tẽms nins sẽn be tãmsã sʋkã yaa: Samiiri, Yatɩɩre, Soko,
49
Dana, Kiryat-Sana sẽn yaa Debɩɩrã,
50
Anaabe, Ɛstemo, Anim,
51
Gosɛn, Holon Gɩdo. Yaa tẽms piig la a yembr ne b tẽn-kɩremse.
52
Araabe, Duma, Eseyãn,
53
Yanum, Bɛt-Tapuwa, Afɛka,
54
Humeta, Kiryat-Arba sẽn yaa Ebrõ ne Siyoore. Yaa tẽms a wɛ ne b tẽn-kɩremse.
55
Mawon, Karmelle, Zɩfe, Yuta,
56
Zizreyɛlle, Yokdeyam, Zanoa,
57
Kayin, Gibeya ne Timna. Yaa tẽms piig ne b tẽn-kɩremse.
58
Halulli, Bɛt-Sʋʋre, Gedoore,
59
Maarate, Bɛt-Anot ne Ɛltekon. Yaa tẽms a yoob ne b tẽn-kɩremse.
60
Kiryat-Baall sẽn yaa Kiryat-Yeyarim ne Raba, yaa tẽms a yiib ne b tẽn-kɩremse.
61
Tẽms nins sẽn dag n be weoogã pʋgẽ wã la woto: Yaa Bɛt-Araba, Medin, Sekaka,
62
Nibsan, Ir-Hamela ne Ɛn-Gedi, yaa tẽms a yoob ne b tẽn-kɩremse.
63
Zʋʋda kambã ka tõog n dees Zebuus-rãmbã sẽn be Zeruzalɛmã tẽms ye. Dẽ, Zebuus-rãmbã kell n paa Zeruzalɛm ne Zʋʋda nebã hal tɩ ta rũndã.
Mossi MPBU 2014
Moore Bible Bible Society of Burkina Faso, 2014
:
Save Notes