1
E phuv kai die e familiake katar o Juda avela llik o Edom ta ando sur llik o pusto o Sin.
2
Ando sur resela katar e Mora e Londi,
3
kote kai o drom likel ando Akrabim ta nakhel llik o Zin. Mapalal likel katar o sur llik o Kades Barnea ta nakhela katar o Jesron llik o Adar ta avela ando Karka,
4
mapalal resela katar o Asmon ando paiorro katar o Ejipto llik e mora. Llik kote resel lengi phuv.
5
Ando este e phuv saia katar e Mora e Londi llik o Jordan. Kotar saia e phuv kai resela ando norte,
6
ta resela katar o Bet Jogla ta nakhel ando norte katar o Bet Araba. Kotar ande pechina katar o Boan Ben Ruben,
7
mapalal likela katar e bari umal katar o Akor kai o Debir llik o Gilgal kai si angla o drom kai likel ando Adumin kai si ando sur katar o paiorro llik e paia katar o En Semes kai likel ando Rogel,
8
mapalal nakhela ande bari umal katar o Ben Inom ando sur katar drom kai likel po burdo ando Jebus kai gua si o Jerusalem. Mapalal likela po burdo kai si ando oeste katar e bari umal o Inom, ando norte katar e bari umal o Refaim,
9
kotar katar o burdo avela llik o lenorri katar o Neftoaj ta ande forura katar o burdo o Efron, ta llala ando Baala kai ikharen le o Kiriat Jearim.
10
Katar o Baala irilape ando oeste llik o burdo o Seir ta nakhela ando Kesalon ando norte katar o burdo o Jearim, ta mapalal fuliela llik o Bet Semes te nakhel ando Timna,
11
pe droma kai llan pe burdura katar o Ekron pasa o Sikron, nakhel po burdo katar o Baala ta likel ando Jabneel llik e mora.
12
E phuv pe rig kai perel o kham avela llik kai e Bari Mora. Sa gaia saia e phuv katar e vicha e Judeaki kai fulade maskar e familie katar e vicha.
13
O Josue dia e Kalebe chavo katar o Jefune nesave thana katar e phuv e Judeaki. Sar phendaia le o Del, dia le o Jebron, o mai baro foro katar e chave e Anakeke.
14
Ta o Kaleb tradia kotar trine katar e chave e Anakeke kai ikharena len o Sesai, o Ajiman ta o Talmai.
15
Mapalal llelo te marelpe e llenenchar kai zivina ando Debir, kai ikharena le o Kiriat Sefer.
16
Ta o Kaleb phenda: Aide te mara e foroia ta o gua kai ka lel le, me ka dav le mi chorri e Aksa te zinilpe laia.
17
Ta o lleno kai lia e foro saia leko sinoucho o Otoniel chavo katar o Kenaz, ta o Kaleb dia le leki chorri e Aksa te zinilpe laia.
18
Kana o Otoniel inllarela la kai po cher, cherda te mangel voi katar po dad te den len phuvia te sai radin len. Ondaka voi fulisti katar o magarcho, ta o Kaleb puchla la: ¿So mange?
19
Voi phenda: Soke dian man phuvia ando Negeb, i de man paiorra. Ta o Kaleb dia la paiorra kai si upral ta telal.
20
Gala si e phuvia katar e vicha e Judaeki kai fulade prema e familie katar e vicha.
21
E forura kai die len ando sur pasa o Edom sea o Kabseel, o Eder, o Jagur,
22
o Kina, o Dimona, o Adada,
23
o Kedes, o Jasor, o Itnan,
24
o Zif, o Telem, o Bealot,
25
o Jasor Jadata, o Keriot, o Jesron, kai ikharen le o Jasor,
26
o Amam, o Sema, o Molada,
27
o Jasar Gada, o Jesmon, o Bet Pelet,
28
o Jasar Sual, o Berseba ta leke forura minone,
29
o Baala, o Iim, o Esem,
30
o Etolad, o Kesil, o Jorma,
31
o Siklag, o Madmana, o Sansana,
32
O Lebaot, o Siljim ta En Rimon. Sa e forura bare ta minone sea bis ta inia.
33
Ande bare umalia o Estaol, o Zora, o Asena,
34
o Zanoa, o En Ganim, o Tapua, o Enam,
35
o Jarmut, o Adulam, o Soko, o Azeka,
36
o Saaraim, o Aditaim, o Gedera ta o Gedorotaim. Sa e forura bare ta minone sea desustar.
37
E forura ando Senan, o Jadasa, o Migdal Gad,
38
o Dilean, o Mispa, o Jokteel,
39
o Lakis, o Boskat, o Eglon,
40
o Kabon, o Lajmas, o Kitlis,
41
o Gederot, o Bet Dagon, o Naama ta o Makeda. Sa e forura bare ta minone sea desusov.
42
E forura ande Libna, o Eter, o Asan,
43
o Iftaj, o Asna, o Nesib,
44
o Keila, o Aksib ta o Maresa. Sa e forura bare ta e minone sea inia.
45
O foro o Ekron ta sa e forura kai sea truial letar,
46
ta katar o Ekron llik e mora sa e phuv pasa o Asdod ta sa e forichura minone.
47
O Asdod ta e forura kai sea truial letar, ta o Gaza ta e forura truial llik o paiorro katar o Ejipto ta e Mora e Bari.
48
Pe burdura o Samir, o Jatir, o Soko,
49
o Dana, o Kiriat Sana, kai ikharen le o Debir,
50
o Anab, o Estemoa, o Anim,
51
o Gosen, o Jolon ta o Gilo. Sa sea desuiek forura ta lenge forichura.
52
E forura katar o Arab, o Duma, o Esan,
53
o Janum, o Bet Tapuaj, o Afeka,
54
o Jumta, o Kiriat Arba, kai ikharen le o Jebron, ta o Sior. Sa sea inia forura ta lenge forichura.
55
E forura katar o Maon, o Karmel, o Zif, o Juta,
56
o Jezreel, o Jokdeam, o Zanoaj,
57
o Kain, o Gibea, o Timna. Sa sea des forura ta lenge forichura.
58
E forura katar o Jaljul, o Bet Sur, o Gedor,
59
o Maarat, o Bet Anot ta o Eltekon. Sa sea sov forura ta lenge forichura.
60
E forura katar o Kiriat Baal, kai ikharena le o Kiriat Jearim, o Raba ta leke forichura kai sea pasa le.
61
Po pusto, o Bet Araba, o Midin, o Sekaka,
62
o Nibsan, o Foro katar o Lon, ta o En Gadi. Sa sea sov forura ta lenge forichura.
63
E chave katar o Juda nasti tradie e jebuseonen katar o Jerusalem. Goleke o jebuseo zivin ando Jerusalem llik akana.
Romani Ursari Bible 2018
Biblia ande chib Romani Sociedad Bíblica Chilena, 2018