O leba thoko ya borwa ka morotoga wa diphepheng o fetela Sini, wa rotogela Kadese-Baranea, wa fetela Hetserone, wa rotogela Adara, wa aroga wa ya Kareka,
Thoko ya bohlabela mollwane ke lewatle la letswai go fihla mo le tsenwago ke noka ya Jorodane. Gonamoo go gomago lewatle matsenong a Jorodane ke mo go thomago mollwane wa thoko ya leboa.
O rotoga ka moedi wa Akore wa tla Debiri, wa arogela thoko ya leboa wa ya Giligala fala go lebanego le mmotwana wa Adumima ka thoko ya borwa bja nokana, wa fetela letsheng la Entsemese, wa tla sedibeng sa Rogele.
O rotoga mo mogwereng wa Beni-Hinomi o rarela thaba ya Bajebusi ka thoko ya borwa, ke gona Jerusalema; mollwane o rotogela sehlweng sa thaba e bapetšego le mogwere wa Beni-Hinomi ka thoko ya bodikela mo molala wa Refaimi o gomago gona thoko ya leboa.
Mollwane o tloga Baala wa leba bodikela thabeng ya Seire, o šika le lehlakore la thaba ya Jearima ka thoko ya leboa; ke gona Kaselone; wa fologela Bethe-Semese, wa fihla Thimina.
O tšwa moo wa šika le thaba ya Ekironi ka thoko ya leboa, wa tloga o leba Sikerone, wa fetela thabeng ya Baala, wa tšwela Jabiniele wa yo kgotla le lewatle.
Ga e le Kalebe morwa wa Jefune o neilwe kabelo le bana ba Juda ka mo Morena a laetšego Joshua, e lego motse wa Araba, tatago Enaki; ke wona motse wa Heburone.
Yena a re: A nke o nkatle; ge o ntšeišitše nageng ya lesehla, gona a ko mphe didiba tša meetse. Ke mo Kalebe a mo neilego didiba tša tletlolo le tša tlase.
le wa Asidodo le dinakana tša wona le metsana ya wona, le wa Gasa le dinakana tša wona le metsana ya wona, go fihla nokeng ya Egipita le lewatleng le e lego wona mollwane.