सरल नेपाली पवित्र बाइबल 2008
|
| 1 |
| योसेफका सन्तानले पाएका जमिनको सिमाना दक्षिणपट्टि यरीहोछेउ, त्यसका पानीका फोहोराहरू छेउनिर रहेको, यर्दनबाट सुरु भएर उजाड-स्थानसम्म जान्थ्यो। त्यो यरीहोबाट उकालो पहाडी देशमा बेथेलसम्म जान्थ्यो। |
| 2 |
| बेथेलबाट लूज हुँदै त्यो अरकीहरू बसेका अतारोत-अद्दारसम्म पुग्थ्यो। |
| 3 |
| त्यसपछि पश्चिमतिर यल्पेतीहरूका इलाकामा तल्लो बेथ-होरोनसम्म पुग्थ्यो। त्यहाँबाट गेजेरसम्म गएर त्यो भूमध्य सागरमा टुङ्गिन्थ्यो। |
| 4 |
| योसेफका सन्तान एफ्राइम र पश्चिम मनश्शे कुलहरूले यो देश सम्पत्तिका रूपमा पाए। |
| 5 |
| एफ्राइम परिवारहरूको इलाका यो हो— तिनीहरूको सिमाना अतारोत-अद्दारबाट पूर्वपट्टि माथिल्लो बेथ-होरोन भएर |
| 6 |
| भूमध्य सागरसम्म जान्थ्यो। उत्तरमा मिक्मतात पर्थ्यो। त्यसको पूर्वपट्टि सिमाना तानत-शीलोतिर घुमी, त्यसलाई पार गरी यानोहको पूर्वतिर जान्थ्यो। |
| 7 |
| त्यसपछि यानोहबाट त्यो ओह्रालो अतारोत र नारातिर झरेर यरीहो पुग्थ्यो र यर्दनमा टुङ्गिन्थ्यो। |
| 8 |
| सिमाना तप्पूहबाट पश्चिमतर्फ कनाका खोल्सासम्म पुगेर भूमध्य सागरमा गई टुङ्गिन्थ्यो। एफ्राइम कुलका परिवारहरूलाई तिनीहरूको सम्पत्ति भनेर दिइएको देश यही हो |
| 9 |
| साथै मनश्शेका सिमानाभित्र पर्ने कति वटा सहर र गाउँहरू पनि एफ्राइमीहरूलाई दिइएका थिए। |
| 10 |
| तर गेजेरमा बास गर्ने कनानीहरूलाई तिनीहरूले धपाएनन् र आजसम्म कनानीहरू एफ्राइमीहरूसित बास गरिरहेका छन् तर तिनीहरूलाई कमाराकमारी भई काम गर्न कर लागेको छ। |
| नोटहरू बचत गर्नुहोस् |
https://beblia.bible:81/BibleAudio/nepali2008/joshua/016.mp3
24
16