يوسف جي پهريتي پٽ منسيءَ جي قبيلي کي سندس باقي رهيل ورثو ڏنو ويو. جيئن تہ منسيءَ جو پهريتو پٽ مڪير جيڪو جِلعاد جو پيءُ هو تنهن جي قبيلي کي اردن درياءَ جي اوڀر طرف جِلعاد ۽ بسن وارا علائقا ملي چڪا هئا، ڇاڪاڻ تہ هو جنگي جوڌا هئا،
تنهنڪري اهو اردن جو اولهہ وارو ورثو بني منسيءَ مان باقي بچيل گھراڻن جو هو، يعني بني ابيعزر، بني خلق، بني اسريايل، بني سڪم، بني حفر ۽ بني سميدع جو. اهي يوسف جي پٽ منسيءَ جو نرينہ اولاد هئا جيڪي پنهنجي گھراڻن جا وڏا هئا.
اهي اليعزر ڪاهن ، يشوع ولد نون ۽ اڳواڻن جي اڳيان اچي چوڻ لڳيون تہ ” خداوند موسيٰ کي حڪم ڏنو هو تہ اسان کي بہ اسان جي مائٽن سان گڏ ورثو ڏنو وڃي.“ تنهنڪري خداوند جي حڪم موجب يشوع سندن پيءُ جي ڀائرن سان گڏ هنن کي ورثو ڏنو.
منسيءَ جي اولهہ واري اڌ قبيلي کي مليل ورثي جي سرحد اتر ۾ آشر کان وٺي ڏکڻ ۾ سڪم شهر جي اوڀر طرف مڪمتاہ تائين هئي. انهيءَ کان اڳتي ڏاکڻي پاسي عينتفوح جو سڄو علائقو انهيءَ سرحد ۾ شامل هو.
پوءِ اها سرحد ڏکڻ ۾ قاناہ جي برساتي نهر تائين ويئي. انهيءَ نهر جي ڏکڻ پاسي منسيءَ جا ڪجھہ شهر افرائيم جي علائقي ۾ هئا، جڏهن تہ حقيقت ۾ منسيءَ جي سرحد ان برساتي نهر جي اترئين پاسي کان هئي جا وڃي ڀونوچ سمنڊ تي ختم ٿي.