Ense yatananwe ase chinsemo isano na ibere. Abayuda nigo baragenderere komenya ase orogongo rwabo agwo ensemo ya irianyi, na Abayusufu ase orwabo, ensemo ya sugusu.
Abalawi barabwo tibakoegwa egetari gi’ense amo nainwe, ekiagera egetari kiabo nokomokorera Omonene ase emeremo y’obokuani. Egesaku kia Gadi, na ekia Reuben na ekeng’ese ki’egesaku kia Manase barabwo konya baeirwe omwando obo moocha ya Yorodan, omwando oria Musa, omosomba bw’Omonene, abaatananerete.”
Abanto aba bakagenda gwata ense buna Yoshua abachigete na kobatebereria, “Genda motaare ase ense engima, mworokie ase okorika buna ense eyio ere. Erio moirane asende, na inche nimbaakere obomera ase okoboria Omonene aiga Silo.”
Bono abanto abwo bakagenda, bagaetanana ense eria engima, bakarika ase okworokia buna bayiatete ense ase chinsemo isano na ibere kobwatekana nemechie yonsi. Erio bakairana ase Yoshua ase egetwori agwo Silo
na Zela, na Elefu, na Yebusi (noro Yerusalemu), na Gibea, na Kiriati‐Yearimu, emechie ikomi na ene, amo nebichie biabo. Oyo noro orenge omwando bwe chiamate chi’egesaku kia Benjamin.