Dhoot ka dhoot mondo omiya ji adek ma anyalo oro mondo odhi onon kaka dipog pinyno duto e migepe abiriyo, ka gindiko kaka migawo ka migawo chalo. Ka gisetieko, eka giduog ira
To jo-Lawi ok noyud lowo kaka uyudo, nimar pokgi en bedo jodolo mag Ruoth Nyasaye, kendo jo-Gad gi jo-Reuben gi jo-Manase konchiel bende ok nopognigi nikech giseyudo lopgi loka Jordan mane Musa jatich Ruoth Nyasaye omiyogi.”
Kuom mano jogo nodhi monono pinyno duto, kendo ne gindiko e kitabu kaka ochalo. Ne gipogo piny nyadibiriyo, ka gichano nying mier duto mane ni kuno. Bang’e ne giduogo ir Joshua e kambi Shilo,
To malo yo nyandwat tong’gi nochakore e aora Jordan modhi nyaka gode man yo nyandwat mar Jeriko. Noluwo piny godego, kochomo yo podho chieng’ nyaka e thim machiegni gi Beth-aven.
Nogomo koa yo podho chieng’ mar godno, mochomo yo milambo mar got man but Beth-horon, mogik Kiriath-baal, dala jo-Juda, miluongo bende ni Kiriath-jearim. Mano e tong’gi ma yo podho chieng’.
Eka nodhi nyaka bath got mochomore gi holo Ben-hinom man yo nyandwat mar holo Refaim. Noluwo holo Hinon tir kochomo yo milambo mar god jo-Jebus nyaka En-rogel.
gi Zela, gi Ha-elef gi Jebuz (ma tinde iluongo ni Jerusalem,) gi Gibea, kod Kiriath-jearim. Giduto ne gin mier apar gang’wen ka ok okwan mier matindo mane okiewo kodgi. Mago e mier mane opog ni dhout Benjamin.