E vichake katar o Levi ni ka da len phuv, soke lengo si o rado e poponengo katar o Del. E vichake katar o Gad o Ruben ta o dopas vicha katar o Manases si len phuv pe ogoia rig katar o Jordan, kai dia len o Moises, sluga e Devleko.
O Josue phenda e llenenge kai lachardepe te dikhen e phuv: Llan pe sa e phuv te fulaven la pe kotora ta kana ka gotovin, irin tumen mande te chelav man e phuv tumenge.
Ondaka e llene llele pe sa e phuv ta fulade e forura ande efta kotora ta pisisarde sa so cherde. Mapalal irisaile ando pero katar o Silo kote kai saia o Josue.
Mapalal bangarel kai e mora pe rig o sur katar o burdo kai si angla o Bet Joron llik o Kiriat Baal kai ikharen le Kiriat Jearim kai si katar e vicha e Judaeki. Gaia si e phuv pe rig kai perel o kham.
ta llal tele pe rig mai dur katar o burdo kai si angla e bari umal katar o Ben Inom, ando norte katar e bari umal katar o Refaim. Mapalal llala tele ande bari umal katar o Inom ta nakhela ando sur katar o drom kai llal pasa o Jebus ta kotar llik o Rogel.
Mapalal bangarel po norte ta likel ando En Semes. Kotar llik o Gelilot kai si angla o drom kai llal upre katar o Adumin ta fuliel kai e pechina katar o Boan chavo katar o Ruben,
o Zela, o Elef, o Jebus, kai si o Jerusalem, o Gabaa ta o Kiriat. Sa sea desustar forura ta lenge forichura. Gaia si e phuv katar e chave e Benjamineke prema lenge familie.