zaŋ tabili tiŋkpan’ shɛŋa zaa din gil’ li zaŋ hal ti paai Baalatibeer (bee Rama din be Nɛgɛb la). Simiɔn zuliya niriba ni daa deei tiŋgban’ shɛli ka di leei bɛ dini m-bala.
Juda zuliya niriba tiŋgbani palo ni daa galisi pam zuɣu, ka bɛ daa ŋmaai di shɛli polo ti Simiɔn zuliya niriba; ka Simiɔn zuliya niriba tiŋgbani maa daa be Juda zuliya niriba tiŋgbani maa puuni.
Fɔŋ kar’ shɛŋa din pahi n-nyɛ: Katat mini Nahalal ni Shimrɔn ni Idala ni Bɛtilihɛm: ka di zaa kalinli yiɣisi fɔŋ kara pinaayi m-pahi di tiŋkpansi zuɣu.
Ka bɛ tintariga daa zaŋ chaŋ hal ti paai Tabo mini Shahazuma ni Bɛtishɛmɛshi n-zaŋ ti paai di tariga Jɔɔdɛn Mɔɣili ni: ka di zaa kalinli yiɣisi fɔntiŋ’ kara pinaayɔbu m-pahi di tiŋkpansi zuɣu.
Ka di tintariga daa ŋmaligi kpa wulimpuhili polo n-zaŋ hal ni Bɛtidagɔn m-mali hal ti paai Zɛbulɔn mini Ifitahɛl Vinvamli din be Bɛtimɛk mini Nɛyɛl soli nuzaa polo la, ka kul zaŋ kpa nuzaa polo maa hal ti paai Kabul
Ka di tintariga maa lan ŋmaligi chaŋ Rama m-mali lala hal ti paai Taai fɔŋ din nyɛ bɛ ni me birini gili shɛl’ la. Ka lan ŋmaligi nimaani chaŋ hal ni Hɔsa m-mali lala hal ti paai di tariga Mɛditirɛniɛn Teeku ni. Ka Mahalab mini Akizib
Bɛ tintariga daa kpuɣila Hɛlɛf zaŋ hal ti paai oki tia din be Zaananim la n-gari chaŋ hal ni Adaminɛkɛb mini Jabiniil m-mali lala hal ti paai Lakkum n-zaŋ hal ti paai di tariga Jɔɔdɛn Mɔɣili ni.
Ka di tintariga daa ŋmaligi nimaani n-zaŋ kpa wulinluhili polo chaŋ hal ni Azinɔtitabo zaŋ ti paai Hukok n-zaŋ ti to Zɛbulɔn tiŋgbani nudirigu polo, ka zaŋ ti to Asha tiŋgbani mi wulinluhili polo, ka lan zaŋ ti to Juda gba tiŋgbani wulimpuhili polo Jɔɔdɛn Mɔɣili ni.
Bɛ ni daa ŋme n-fa Dan zuliya niriba tiŋgban’ shɛli bɛ ni daa pun su la nyaaŋa, ka bɛ gba daa chaŋ ti liri Lɛshɛmnima ŋ-ŋme n-fa li ʒini ka zaŋ bɛ yab’ Dan yuli boli tiŋ’ maa.
Bɛ ni daa piri tiŋgbɔŋ maa ti Izraɛl zuliya maa ka di leei bɛ dini naai, ka Izraɛlnim’ daa zaŋ tiŋgbɔŋ maa ni tin’ shɛli ti Nan bia Jɔshua ka di leeg’ o dini.
Yawɛ ni daa pun zali shɛm zuɣu, bɛ daa zaŋla Jɔshua maŋmaŋ’ ni daa pun yɛli ni o bɔri tin’ shɛli la ti o. Bɛ ni daa zaŋ tin’ shɛli ti o maa yuli n-nyɛ Timnatisɛra. Tiŋ’ maa daa bela Ifriim zuliya niriba tiŋgban’ ni zoya zuɣu. Ka Jɔshua daa mali me tiŋ’ maa ʒini.
Maligumaana Ɛliɛza mini Nan bia Jɔshua ni Izraɛl kpamba n-daa pihi kuɣa sɔŋ Yawɛ tooni Shilo, tanti suɣili la dunol’ ni lihi nya, ka piri tiŋgbɔŋ maa yaɣili kam tari. Lala ka bɛ daa niŋ tari li naai.