Unya misekreto pagpadala si Josue ug duha ka espiya gikan sa kampo sa Shitim aron pagpangespiya sa maong yuta ilabi na sa siyudad sa Jerico. Busa nanglakaw sila ug sa pag-abot nila sa siyudad didto sila magpalabay sa gabii sa balay ni Rahab nga usa ka babayeng nagbaligya sa iyang dungog.
Unya gipasugoan sa hari si Rahab nga kinahanglang ipagawas niya ang mga nag-abot sa iyang balay kay kini sila mianhi aron pagpangespiya sa tibuok dapit.
Nanglakaw sila sa dihang hapit na sirhan ang ganghaan sa siyudad pagkagabii ug wala ako masayod kon diin sila mipaingon. Apan kon sundon dayon ninyo maapsan ninyo sila.”
Sa dihang nakapanglakaw na ang mga sundalo gisirhan ang ganghaan sa siyudad. Gipangita nila ang mga espiya hangtod sa mga tabokanan dapit sa suba sa Jordan.
Nakabalita kami giunsa pagpahubas sa Ginoo diha sa inyong atubangan ang dagat nga ginganlag Dagat nga Pula sa pagbiya ninyo sa Ehipto. Nakabalita kami giunsa ninyo pagpatay ang duha ka haring Amorihanon nga si Sihon ug si Og ug ang ilang mga kasundalohan didto sa silangan sa Jordan.
Busa karon panumpa sa ngalan sa Ginoo nga tumanon ninyo ang inyong saad ug luwasa ninyo ang akong panimalay sama sa pagluwas ko kaninyo ug hatagi akog kalig-onan nga tumanon ninyo kini.
Ang duha ka tawo miingon kaniya, “Patyon unta kami sa Dios kon dili namo tumanon ang among gisulti kanimo! Kon dili mo ibutyag ang among pagpangespiya, tumanon gayod namo ang among saad kanimo inighatag sa Ginoo kanamo niining yutaa.”
Giingnan niya sila, “Pangadto kamo sa kabungtoran kay tingalig makit-an kamo sa mga sundalo sa hari. Tago didto ug tulo ka adlaw hangtod mamalik sila. Human niana makapadayon na kamo sa inyong panaw.”
Inigsulod namo sa inyong lugar, ihigot kining pulang pisi sa bintana nga imong gituntonan kanamo. Tigoma sa imong balay ang imong amahan, inahan, mga igsoon ug ang tanang pamilya sa imong amahan.
Kon may mogula sa imong balay ngadto sa dalan, ang kamatayon niya iya rang sayop ug wala kami labot. Apan kon may hilabtan diha sa imong balay, amo kining tulobagon.
Busa nangadto sila sa kabungtoran ug nanago samtang nangita kanila ang mga sundalo sa hari sulod sa tulo ka adlaw didto sa tanang kasuoksuokan. Apan wala silay nakit-an busa namalik ang mga sundalo sa Jerico.
Unya nanglugsong ang duha ka espiya gikan sa kabungtoran, mitabok sa suba, namalik kang Josue nga anak ni Nun ug gisuginlan nila siya sa tanang nahitabo.