Ika Bible 2018
|
| 1 |
| Ya Osolobuẹ nọ sị Joshụa, |
| 2 |
| Sị ndị Izrẹlụ họpụhasọnmẹ obodo-mgbaban kẹ m dọn gwa ụnụ ghahanị Mozizi, |
| 3 |
| kẹni onyẹ ọ rụnahịn gbu ịhịan hụn ụzọ gbashi ebẹhụ, wanahịn onyẹ k'e gbugwarịnị ebọn onyẹ o gbu. |
| 4 |
| Ọ gbashi hụn ọwụlẹ imẹ obodo mgbaban ndịnị wẹ, o sikọ d'e wuzo ebe wẹ n'e zu ọgwa ọnụ-mgbọn obodo hụ, kọwagụnị ndị-ichẹn obodo hụ k'o jẹn, e webanhan w'a imẹ obodo wẹ, ye ẹ ebe o k'e bi, o sọn wẹ biri. |
| 5 |
| Onyẹ hụn k'e gbugwarịnị chọha a, enukọ wẹ hụn ọ rị a ma ikpe yen'ẹ, makẹni hụnyẹ akpachanpụnị ẹnya gbu hụn o gbu, o gini iwe gbu ẹ. |
| 6 |
| Hụnyẹ sikọ d'e biri obodo hụ d'e ru mgbe wẹ kin ẹ ikpe imẹ ọgwa lẹ ogẹn onyẹ-isi nchụn-ẹjan rị ogẹn ahụn nwụnhụngụ, o kebe lakin iwe ẹ imẹ obodo hụ ọ gha gbapụha. |
| 7 |
| Ya ndị Izrẹlụ nọ wepụha obodo ndịnị: Kẹdẹshi rị Galili imẹ alị-ugu Naf'tali; Shẹkẹm rị alị-ugu Ifrem; Kiriatị-Aba (hụn wụ Hibrọnụ) hụn rị alị-ugu Juda. |
| 8 |
| Obodo ndị wẹ wepụha nfetu Iyi-Jọdanị ẹbamịn ọwụwa-ẹnyanwụn Jẹriko wụ ndịnị: Bẹza hụn rị alị-aradan elu-ugu imẹ alị ọkpọ-nkụn rị alị ebọn Rubẹni; Ramọtụ hụn rị imẹ Gilẹdị imẹ alị ebọn Gadị; Golanị hụn rị imẹ Bashanị imẹ alị ebọn Manasẹ. |
| 9 |
| Onyẹ Izrẹlụ ọwụlẹ mọbụ abịamabịa ọwụlẹ bi imẹ igunrun wẹ ọ rụnahịn gbu ịhịan nwọn ikẹn gbashi hụn ọwụlẹ imẹ obodo ndị ahụn wẹ wepụha, amamgbe onyẹ k'e gbugwarịnị ebọn onyẹ o gbu a hụn ụzọ gbu ẹ bụ wẹ eke kin ikpe ẹ ọgwa. |
| Save Notes |
https://beblia.bible:81/BibleAudio/ika/joshua/020.mp3
24
20