Kä cia min ci Kuothdun ni Kuoth Nhial ɛ lät kä wi̱c ti̱ti̱ diaal kɛ kui̱dun nɛn, kɛ ɣöö ɛ ni jɛn Kuothdun ni Kuoth Nhial puɔ̱nydɛ ɛn in ci ko̱run ter yɛ.
Nɛ̈nɛ jɛ, ɣän cä wi̱c tin ci duɔth däk kä döörkun ala bööthkiɛn, matdiɛn amäni kɛn wi̱c diaal tëë cä ku thuŋ ka̱n, tɛɛmɛ ni kä Jɔr-dɛn wëë yiath ni Bar in Bo̱r in te kam wi̱i̱ni kä kony cäŋ.
tiɛtdɛ jɛ ni gɔaa ɛn ɣöö /ci Kuothdun ni Kuoth Nhial bi lɛ ŋot kɛ mi bɛ döör tɔ̱tɔ̱ juɔc raar rɛydun, kä bikɛ yɛ nöŋ jut jut, kä bikɛ a dhuɔ̱ri kɛ kui̱dun, kä bikɛ a ji̱ duäcdun, kä bikɛ a kuiy nyiinikun, amäni mi wiaa lia̱a̱ ɛ muun agɔaa ɛmɛ in ci Kuothdun ni Kuoth Nhial ɛ ka̱m yɛ.
“Kä ɛn täämɛ min ci thia̱k ni ɣöö bä li̱w yɛn diaal ŋa̱cɛ jɛ rɛy lɔaacdun kɛ tieeydun ɛn ɣöö thilɛ duɔ̱ɔ̱r kɛl mi ci Kuothdun ni Kuoth Nhial ɛ pa̱l jɔ̱ɔ̱r kä ŋɔak diaal tëë gɔw tëë cɛ dhil lar i̱ bɛ la̱t kɛ kui̱dun. Kɛn diaal cɛ kɛ lät kä yɛ, thilɛ kɛl mi ci duɔth jɔ̱ɔ̱r rɛydiɛn.
Kä täämɛ ce̱tnikɛ min ca ŋɔaani diaal tin gɔw tëë ci Kuothdun ni Kuoth Nhial kɛ muɔ̱th kɛ kui̱dun la̱th gua̱thnikiɛn kɛ yɛ, ni inɔ bä, bi Kuoth Nhial yɛ nöŋ ŋɔak diaal ti jiäk amäni mi wëë yɛ däk muun agɔaa ɛmɛ in cɛ ka̱m yɛ ɛ jɛn Kuothdun puɔ̱nydɛ,
mi wiaa guk Kuɔthdun ni Kuoth Nhial ëë cɛ mua̱th yɛ ya̱r, kä bia wä lät ni kuth kɔ̱kiɛn ikä, kä bia rɔ̱ goŋ kɛ kɛ. Inɔ, bi Kuoth Nhial waaŋ lɔaacdɛ di̱t kɛ yɛ kä /cia bi gaal kɛ lia̱a̱ muun agɔaa ɛmɛ in cɛ ka̱m yɛ.”