Na a bing'we ī haha mulī gītī mawe mapanga, ayo gakūzengagwa kūbiza numba ībeejiwe mu kazengele ka ng'wa Moyo, ng'wingīle mu būgabīji wela kūlwa kūntūmamīla Mulungu mu katongeelelwe ka ng'wa Moyo, ako kazunīlījiwe mulī Yesu Kilisito.
H'ī nguno yene nū mu shandīkwa gūlīhaya gīkī, “Lolagi nalīntūūla ū mu Sayuni, ūyo alī Iwe isolwa na lya mpango ntaale, lya kwīgoloolela ī numba; ūyo ūnsanya atūding'wa minala na hado yaya.”
Hūna lūūlū, ū kū bing'we a bazunya alī wa mpango ntaale, alīyo ū kū banhū abo batī bazunya, “Ī Liwe īlo līdalahilwe na bazengi, lyabizile lya kwīgoloolela ī numba.
Bizagi na kashimīzīle kawiza ū kū būtongi bo banhū abo batamanile Mulungu, ībize nūūlū balīmuhaya kībi gīkī mulī bīīti ba mihayo yabūbi, alīyo ū mu kūshibona ī shītwa shing'we ī shawiza balankumīlīje Mulungu, ū mu lūshikū lo kūsangwa.
Wei ng'wenekīlī akashibūūcha ī shibi shise mu mīlī gokwe ha līntī, gīkī tūche ū mu shibi, alīyo ū mu būtūngīlīja tūbize bapanga; mukūpījiagwa mu nzīla ya magulagīje gakwe.