Cɛɛw, aw fana k'aw ka musow minɛ ka ɲa ni hakilitigiya ye bari aw barika ka bon n'u ta ye. Aw k'u boɲa bari nɛɛma kelen le bena kɛ aw bɛɛ ye. Aw ka to k'a kɛ ten, waasa aw be dalili minw kɛ, koo si kana na o bali.
Aw k'a lɔn aw dusu la ko aw Matigi Krista ye senu ye. Aw jigi min lanin b'a kan, ni dɔ kɛra aw ɲiningabaga ye, aw labɛnnin ka sɔrɔ tuma bɛɛ k'a tigi jaabi o la.
Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.
Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.
O jii nin tun kɛra batizeli taamasiɲɛ ye, min b'aw kisi bii. O te fari saniyako ye. Nga ŋaniyaɲuman lo an be min ta Ala faan fɛ. A b'aw kisi Yezu Krista ka kununni barika la a sanin kɔ,