Seo focal gríosaithe do na cruifreacha eadraibh uaimse atá i mo chruifir freisin agus i mʼfhinné ar ar fhulaing Críost agus a bhfuil páirt agam sa ghlóir atá le nochtadh.
Mar an gcéanna géilleadh an sóisear don sinsear. Cuirigí uile oraibh uirísleacht dá chéile, mar “Bíonn Dia in éadan lucht an díomais, ach bronnann sé grásta ar lucht na huirísleachta.”
Seasaigí amach ina éadan, go daingean in bhur gcreideamh, ós feasach daoibh go mbíonn ar bhur mbráithre ar fud an domhain na pianta céanna sin a fhulaingt.
Agus nuair a bhíonn seal beag pianmhar curtha díbh agaibh, déanfaidh Dia na ngrást uile, a ghlaoigh sibh chun a ghlóire síoraí i gCríost, bhur dtógáil ar bhur mboinn agus neartóidh sé libh.
Is le láimh Shilbhánus, a bhfuil meas bráthar dhílis agam air, a scríobhadh an litir ghairid seo chugaibh, do bhur ngríosú agus ag foilsiú ghrásta fhírinneach Dé; seasaigí sibhse leis.