Akana mangau te ppenau golenge kai gazdarin ande tumari kkanlliri kai me sem sargo tumen ta i kai dikklem e patnia kai nakklo o Kristo. Kana vou ka avel pale ka avau lea ande leko baripe.
Isto gia tumen e terne morabi te kanden golen kai gazdarin ande kkanlliri ta te kanden iek avere postenimaia, ta na te istardon soke: “E Devleke inai drago e llene kai istardon, a pomozil e llenen kai lengo lio si kovlo.”
A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.
O Silvano kai mange si iek pplal chacho pomozisarda man te pisiu tumenge gava lil te sai sikon. Me ppenau kai sa so dia tumen o Del si soke volil tumen but. ¡Goleke achen zurale ande gava volipe!