|
| 1 |
|
| يَا كُو یَیَنَ وَطَنْدَ نَكٜىٰ ڧَوْنَ، إِنَ رُبُوتَ مُكُ وَنَّنْ نٜىٰ دُواْمِنْ كَدَ كُيِ ذُنُوبِ؞ عَمَّا إِنْ حَرْ وَنِ يَيِ ذُنُوبِ، تُواْ، مُنَدَ مَيْ ڟَيَ مَنَ أَغَبَنْ عُبَا، وَتُواْ عِيسَىٰ أَلْمَسِيحُ مَيْ أَدَلْثِے؞ |
|
| 2 |
|
| شِينٜىٰ هَدَايَ تَطَوْكَرْ أَلْحَكِنْ ذُنُبَنْمُ، بَتَامُ كَطَيْبَ عَمَّا حَرْ دَ تَدُكَنْ دُونِيَا؞ |
|
| 3 |
|
| إِنْ مُنْيِ بِيَيَّ دَ عُمَرْنِنْ اللَّهْ ، تُواْ، وَنَّنْ ذَيْ تَبَّتَرْ مَنَ ثٜىٰوَ مُنْ سَنْ شِ؞ |
|
| 4 |
|
| دُكْ وَنْدَ يَثٜىٰ «أَيْ، نَا سَنْ اللَّهْ ،» عَمَّا بَيْيِ بِيَيَّ دَ عُمَرْنِنْ اللَّهْ بَ، تُواْ، وَنَّنْ مُتُمِنْ مَيْ ڧَضْيَا نٜىٰ، كُمَ غَسْكِيَ بَاتَ ثِكِنْسَ؞ |
|
| 5 |
|
| عَمَّا وَنْدَ يَيِ بِيَيَّ دَ كَلْمَرْ اللَّهْ ، تُواْ، أَيْ، ڧَوْنَرْ اللَّهْ تَا ذَمَ ثِكَكِّيَ كٜىٰنَنْ عَثِكِنْسَ؞ تَهَكَنٜىٰ ذَامُ تَبَّتَرْ ثٜىٰوَ مُنَ ثِكِنْسَ؞ |
|
| 6 |
|
| دُكْ وَنْدَ يَثٜىٰ يَنَ رَايُوَا عَثِكِنْ اللَّهْ ، دُواْلٜىٰنٜىٰ يَيِ تَڢِيَرْسَ كَمَرْ يَدَّ عِيسَىٰ أَلْمَسِيحُ يَيِ؞ |
|
| 7 |
|
| يَا كُو وَطَنْدَ نَكٜىٰ ڧَوْنَ، بَ دُواْمِنْ إِنْ بَاكُ سَابُوانْ عُمَرْنِ نَكٜىٰ رُبُوتَ مُكُبَ؞ أَيْ، عُمَرْنِ نَدَا نٜىٰ وَنْدَ كُكٜىٰ دَشِ تُنْدَغَ ڢَرْكُواْ؞ عُمَرْنِنَّنْ نَدَا كُوَ شِينٜىٰ سَڧُوانْ دَ كُنْ رِغَا كُنْ جِ؞ |
|
| 8 |
|
| عَمَّا دُكْدَهَكَ، إِنَ رُبُوتَ مُكُ سَابُوانْ عُمَرْنِ، وَنْدَ يَكٜىٰ تَبَّتَاثّٜىٰ غَ أَلْمَسِيحُ ، حَكَمَا أَغَرٜىٰكُ؞ أَيْ، دُهُ يَنَ ڧَارٜىٰوَ، حَصْكٜىٰنْ غَسْكِيَ كُوَ يَا رِغَا يَا ڢَارَ حَصْكَكَاوَا؞ |
|
| 9 |
|
| وَنْدَ يَثٜىٰ يَنَ ثِكِنْ حَصْكٜىٰ، عَمَّا يَنَ ڧِنْ طَنْعُوَنْسَ، تُواْ، حَرْ يَنْذُ يَنَ رَايُوَا ثِكِنْ دُهُ كٜىٰنَنْ؞ |
|
| 10 |
|
| عَمَّا دُكْ وَنْدَ يَكٜىٰ ڧَوْنَرْ طَنْعُوَنْسَ، تُواْ، يَنَ رَايُوَا ثِكِنْ حَصْكٜىٰ كٜىٰنَنْ، كُمَ بَذَيْ ذَمَ دَلِيلِنْ سَا وَنِ يَيِ تُنْتُٻٜىٰبَ؞ |
|
| 11 |
|
| وَنْدَ يَكٜىٰڧِنْ طَنْعُوَنْسَ يَنَ ثِكِنْ دُهُ، كُمَ يَنَ تَڢِيَ ثِكِنْ دُهُ نٜىٰ، بَيْ كُوَ سَنْ عِنْدَ ذَا شِبَ، غَمَا دُهُنْ يَا مَيْدَشِ مَكَهُواْ؞ |
|
| 12 |
|
| يَا كُو یَیَنَ وَطَنْدَ نَكٜىٰ ڧَوْنَ، نَا رُبُوتَ مُكُ نٜىٰ سَبُواْدَ أَنْيَاڢٜىٰ مُكُ ذُنُبَنْكُ تَوُرِنْ سُونَنْ عِيسَىٰ ؞ |
|
| 13 |
|
| يَا كُو عُبَنِّ، نَارُبُوتَ مُكُ نٜىٰ غَمَا كُنْ سَنْ شِے وَنْدَ يَكٜىٰ تُنْدَغَ ڢَرْكُواْ؞ يَا كُو سَمَارِ، نَا رُبُوتَ مُكُ نٜىٰ غَمَا كُنْثِ نَصَرَا عَكَنْ مُوغُنَّنْ؞ يَا كُو یَنْ يَارَا، نَا رُبُوتَ مُكُ نٜىٰ غَمَا كُنْ سَنْ عُبَنْ؞ |
|
| 14 |
|
| يَا كُو عُبَنِّ، نَا رُبُوتَ مُكُ نٜىٰ غَمَا كُنْ سَنْ شِے وَنْدَ يَكٜىٰ تُنْدَغَ ڢَرْكُواْ؞ يَا كُو سَمَارِ، نَا رُبُوتَ مُكُ نٜىٰ غَمَا كُنَدَ ڧَرْڢِے، كُمَ كَلْمَرْ اللَّهْ تَنَ ظَوْنٜىٰ عَثِكِنْ ذُوثِيَارْكُ، كُنْ كُمَثِ نَصَرَا عَكَنْ مُوغُنَّنْ؞ |
|
| 15 |
|
| كَدَ كُڧَوْنَثِ دُونِيَا، كُواْ أَبُبُوَنْ دَسُكٜىٰ ثِكِنْتَ؞ دُكْ وَنْدَ يَكٜىٰ ڧَوْنَرْ دُونِيَا، تُواْ، بَابُ ڧَوْنَرْ عُبَنْ عَثِكِنْسَ؞ |
|
| 16 |
|
| غَمَا دُكَنْ أَبُبُوَنْ دَسُكٜىٰ عَدُونِيَا، كَمَرْ نٜىٰمَنْ بِيَنْ شَعَوَ تَجِكِے دَ ݣُوطَيِنْ عِدُواْ دَ كُمَ تَاڧَمَ دَ أَبُبُوَنْ رَايُوَا؞ وَطَنَّنْ دَيْ بَدَغَ وُرِنْ عُبَا سُكَ ڢِتُواْ بَ، عَمَّا دَغَ دُونِيَا نٜىٰ سُكَ ڢِتُواْ؞ |
|
| 17 |
|
| دُونِيَا دَ دُكَنْ مُوغُوَرْ شَعَوَرْتَ تَنَ وُثٜىٰوَ عَمَّا وَنْدَ يَعَيْكَتَ نُڢِنْ اللَّهْ ذَيْ رَايُ حَرْ أَبَدَا؞ |
|
| 18 |
|
| يَا كُو یَیَنَ، وَطَنَّنْ سُونٜىٰ ݣُونَكِنْ ڧَرْشٜىٰ؞ كَمَرْ يَدَّ كُكَ رِغَا كُكَجِ ثٜىٰوَ مَيْ غَابَادَ أَلْمَسِيحُ يَنَ ذُوَا، تُواْ، يَنْذُ مَا مَاسُ غَابَادَ أَلْمَسِيحُ دَيَوَ سُنْ رِغَا سُنْ ذُواْ؞ شِے يَسَا مُكَ سَنِ ثٜىٰوَ ݣُونَكِنْ ڧَرْشٜىٰ سُنْ ذُواْ؞ |
|
| 19 |
|
| وَطَنَّنْ مَاسُ غَابَادَ أَلْمَسِيحُ سُنَ ثِكِنْمُ أَدَا، عَمَّا سُنْ بَرْمُ، غَمَا تُنْ دَا مَا سُو بَا نَامُبَنٜىٰ؞ أَيْ دَا سُو نَامُ نٜىٰ دَهَرْ يَنْذُ سُنَ تَرٜىٰدَمُو؞ عَمَّا سُنْبَرْمُ، وَنَّنْ كُمَ يَا نُونَ أَ ڢِيلِ ثٜىٰوَ دُكَنْسُ بَنَامُ بَنٜىٰ؞ |
|
| 20 |
|
| عَمَّا كُو كَمْ، مَيْ ڟَرْكِنَّنْ يَا كٜىٰٻٜىٰكُ، سَبُواْدَ حَكَ دُكَنْكُ كُنْسَنْ غَسْكِيَ؞ |
|
| 21 |
|
| بَنْ رُبُوتَ مُكُ سَبُواْدَ بَكُسَنْ غَسْكِيَ بَ، عَمَّا سَبُواْدَ كُنْسَنْتَ؞ كُنْ كُمَ سَنِ ثٜىٰوَ غَسْكِيَ بَاتَ حَيْڢَرْ دَ ڧَضْيَا؞ |
|
| 22 |
|
| وَنٜىٰنٜىٰ وَنَّنْ مَيْ ڧَضْيَا؟ أَيْ، شِينٜىٰ وَنْدَ يَكٜىٰ مُسُو ثٜىٰوَ عِيسَىٰ نٜىٰ أَلْمَسِيحُ ؞ مُتُمِنْ دَيَكٜىٰ مُسُونْ عُبَنْ دَ طَنْ، تُواْ، شِينٜىٰ مَيْ غَابَادَ أَلْمَسِيحُ ؞ |
|
| 23 |
|
| دُكْ وَنْدَ يَيِ مُسُونْ طَنْ، بَاشِ دَ عُبَنْ؞ عَمَّا دُكْ وَنْدَ يَيِ نَعَمْ دَ طَنْ، يَنَدَ عُبَنْ مَا كٜىٰنَنْ؞ |
|
| 24 |
|
| كُو كَمْ كُواْيَرْوَا دَ كُكَجِ تُنْدَغَ ڢَرْكُواْ، سَيْ تَذَوْنَ أَ ذُوثِيَارْكُ؞ عِدَنْ كُواْيَرْوَرْ دَ كُكَ سَامُ تُنْدَغَ ڢَرْكُواْ تَا ذَوْنَ أَ ذُوثِيَارْكُ، تُواْ، كُو مَا ذَاكُ ذَوْنَ عَثِكِنْ طَنْ دَكُمَ ثِكِنْ عُبَنْ؞ |
|
| 25 |
|
| وَنَّنْ كُمَ شِينٜىٰ أَلْڧَوَرِنْ دَ طَنْ يَيِ مَنَ، وَتُواْ، رَيْ نَهَرْ أَبَدَا؞ |
|
| 26 |
|
| نَا رُبُوتَ مُكُ وَنَّنْ نٜىٰ غَمٜىٰدَ وَطَنْدَ سُكٜىٰ ڧُواْڧَرِ سُرُوطٜىٰكُ؞ |
|
| 27 |
|
| عَمَّا كُو كَمْ شَاڢٜىٰوَرْ دَ تَكٜىٰٻٜىٰكُ وَدَّ كُكَ سَامُ تَوُرِنْ رُوحُ مَيْ ڟَرْكِے نَّنْ، تَبَّتَاثِّيَثٜىٰ عَثِكِنْكُ؞ سَبُواْدَ حَكَ بَاكُ بُڧَاتَ وَنِ مَلَمِ دَبَمْ يَكُواْيَرْ دَكُو، غَمَا رُوحُنْسَ يَنَ كُواْيَرْ مُكُ كُواْمٜىٰ دَكُواْمٜىٰ، كُمَ كُواْيَرْوَرْسَ غَسْكِيَثٜىٰ، بَا ڧَضْيَابَ؞ سَبُواْدَ حَكَ كُثِيغَبَدَ رَايُوَا ثِكِنْ عِيسَىٰ كَمَرْ يَدَّ رُوحُ يَكُواْيَ مُكُ؞ |
|
| 28 |
|
| يَنْذُ، يَا كُو یَیَنَ وَطَنْدَ نَكٜىٰ ڧَوْنَ، سَيْ كُذَوْنَ ثِكِنْ أَلْمَسِيحُ دُواْمِنْ أَ رَانَرْ دَ ذَيْ بَيَّنَ مُكَسَنْثٜىٰ بَابُ ڟُواْرُواْ كُواْ كُنْيَا أَغَبَنْسَ؞ |
|
| 29 |
|
| عِدَنْ كُنْ سَنِ ثٜىٰوَ أَلْمَسِيحُ مَيْ أَدَلْثِے نٜىٰ، ذَاكُ تَبَّتَرْ ثٜىٰوَ دُكْ وَنْدَ يَكٜىٰيِنْ أَبِنْدَ يَكٜىٰ دَيْدَيْ شِے طَنْ اللَّهْ نٜىٰ؞ |
|
|
|
|