A leanaí, táim á scríobh seo chugaibh do bhur gcosc ó pheaca; ach má dhéanann duine peaca, bíonn ár gcosantóir againn os comhair an Athar, Íosa fíréanta Críost,
Táim ag scríobh chugaibh, a aithreacha, ós aithnid daoibh an té a bhí ann ó thús. Táim ag scríobh chugaibh, a óigfheara, ós sibh a fuair bua ar an ainsprid. Scríobh mé chugaibh, a pháistí, ós aithnid daoibh an tAthair.
Scríobh mé chugaibh, a aithreacha, ós aithnid daoibh an té atá ann ó thús. Scríobh mé chugaibh, a óigfheara, ós láidir sibh, agus ó cónaíonn briathar Dé ionaibh, agus ó fuair sibh bua ar an ainsprid.
A pháistí, is í an uair dheireanach í, de réir mar a chuala sibh go bhfuil an t-ainchríost ag teacht, tá mórán ainchríostanna ann anois; agus aithnímid air sin gurb í an uair dheireanach í.
Níor scríobh mé chugaibh as siocair gan eolas na fírinne a bheith agaibh, ach as siocair gurb eol daoibh sin agus gurb eol daoibh nach den fhírinne í bréag ar bith.
ach is é rud, fanann lorg na hola, ar ung sé sibh léi, oraibh, agus níl feidhm oraibh le haon duine a bheith do bhur dteagasc; ó tugann ola an ungtha sin teagasc daoibh i dtaobh gach uile ní, agus ós fíor agus nach bréag é, fanaigí dílis don mhéid a theagasc sé daoibh.