Bonang! Ke lerato le lekaakang le Modimo a re seditšego ka lona, ge re bile re bitšwa bana ba Modimo! Gomme ge lefase le sa re lemoge, ke ka gobane le sa mo tsebe.
Barategi! Re bana ba Modimo re le fa; gomme se re tlogo ba sona ga se ešo sa bonagala. Fela, se re se tsebago ke gore mohla a tlogo bonagala, re tlo ba ba ba swanago le yena, ra mmona se a lego sona.
Motho e a tswetšwego ke Modimo ga a dire sebe, gobane peu ya Modimo e dula e le mo go yena. Le gona ga a kgone go dira sebe ka ge a tswetšwe ke Modimo.
Ke gona moo go bonagalago ba e lego bana ba Modimo, le ba e lego bana ba diabolo. E a sa yego ka toko, ga a tswalwa ke Modimo, boka le eo a sa ratego ngwanabo.
Re se etše Kaine a e twetšwego ke emobe, a bolaya ngwanabo. Gomme o mmolaelang? O mmolaile ka ge ya gagwe mediro e le e mebe, mme ya ngwanabo e le ya go loka.
Ge e le lona lerato, se re le tsebilego ka sona, ke ge yena a gafile bophelo bja gagwe ka baka la rena; le rena, se se re swanetšego ke ge re gafa bophelo bja rena ka baka la bana ba borena.
Bjale, ge motho a ruile tša bophelo bja lefase, mme a bona ngwanabo a hloka, a tla a mo tswalelela pelo ya gagwe, go yena lerato la Modimo le ka dula bjang?
Gomme ge o eya ka melao ya gagwe, o tlo dula o le wa gagwe, yena e le wa gago. Gomme se re tsebago ka sona ge a dutše e le wa rena, ke Moya wo a re neilego wona.