Tyëng-ɑ yïëy Wɑ̈d Jwøk, yï gen dɑ dhøngɑni kì yethi pëthi gen; de tyëng-ɑ pɑ yïëy Jwøk, Jwøk ɑ́gwøg yi gen ɑ́ ngeti pyed; mɑ́ møg-ɑ ɑ́kwøb yi Jwøk kì ri Wɑ̈de nuti yïëëy gen.
Keløg wɑɑd wun olidhø yi yïn e ogöögø ki orøg me pɑ göjjii thøø, kwɑjjí Jwøk o ngɑnɑni thödhe ki nënnì. Menɑni cuggi kɑ per ji-ɑ orøøg gen pɑ kɑ̈ni ki thøø. De dɑ orøg me nyi kɑ̈ni ki thøø, o pɑth ki orøngɑni ɑ pere dwɑddɑ kinni kwɑjji.
Ngɑ̈nyi yi wɑ kinni Wɑ̈d Jwøk ɑ́bï, kɑ wɑ thödhe ki dïdø men yod wɑ Jwøng-ɑ dyër. Wɑ bëëdø wɑ rëbø ki Jwøng-ɑ dyër – wɑ rëbø ki Wɑ̈de Yëso Mesiy. Men bene Jwøng-ɑ dyër; o men bene nënn-ɑ ɑtheer.