Pob un y sy’n credu mai Iesu yw’r Crist, o Dduw y cenhedlwyd ef; a phob un y sy’n caru yr Hwn a genhedlodd, caru y mae hefyd yr Hwn a genhedlwyd o Hono.
Yr hwn sy’n credu ym Mab Duw sydd a’r dystiolaeth ynddo ei hun; yr hwn nad yw’n credu yn Nuw, celwyddwr y’i gwnaeth Ef, gan na chredodd yn y dystiolaeth a dystiolaethodd Duw am Ei Fab.
Os rhyw un a welo ei frawd yn pechu pechod nad yw i farwolaeth, gofyn fydd iddo, a rhydd Duw iddo fywyd i’r rhai sy’n pechu nid i farwolaeth. Y mae pechod i farwolaeth: nid am hwnw y dywedaf y bo iddo ofyn.
A gwyddom fod Mab Duw wedi dyfod, ac y rhoddes i ni ddeall, fel yr adnabyddom y Gwir Un; ac yr ydym yn y Gwir Un, yn Ei Fab, Iesu Grist. Hwn yw’r Gwir Dduw a bywyd tragywyddol.