×



2 Yohanna 1

1
دَغَ دَتِّجُواْنَّنْ ذُوَاغَ عُوَرْغِدَا وَدَّ اللَّهْ يَذَاٻَا دَ كُمَ یَیَنْتَ، وَطَنْدَ نَكٜىٰ ڧَوْنَ ڨُورَيْ دَ غَسْكٜىٰ؞ بَا نِ كَطَيْ نَكٜىٰ ڧَوْنَرْكُبَ، حَرْ مَا دَ دُكَنْ مُتَنٜىٰنْ دَ سُكَ سَنْ غَسْكِيَرْ نَنْ تَ اللَّهْ؞
2
وَتُواْ، مُنَ ڧَوْنَرْكُ سَبُواْدَ غَسْكِيَرْ نَنْ دَتَكٜىٰ ثِكِنْ ذُوثِيَارْمُ، كُمَ ذَاتَ ذَوْنَ دَمُو حَرْ أَبَدَا؞
3
أَلْحٜىٰرِ دَ جِنْڧَيْ دَ سَلَمَ دَغَ وُرِنْ اللَّهْ عُبَادَ عِيسَىٰ أَلْمَسِيحُ ، طَنْ عُبَنْ، ذَاسُ تَبَّتَا أَغَرٜىٰمُ ثِكِنْ غَسْكِيَ دَ ڧَوْنَ؞
4
نَيِ ڢَضٍ ثِكِ سُواْسَيْ سَعَدَّ نَغَ ثٜىٰوَ وَطَنْسُ عَثِكِنْ یَیَنْكُ سُنَ بِنْ غَسْكِيَرْ نَنْ، كَمَرْ يَدَّ اللَّهْ عُبَنْمُ يَعُمَرْثٜىٰمُ؞
5
يَنْذُ كُمَ إِنَ ضُواْڧُوانْكِ، عُوَرْغِدَا، مُڧَوْنَثِ جُونَ؞ وَنَّنْ بَا وَنِ سَابُوانْ عُمَرْنِ بَنٜىٰ، عُمَرْنِنْ دَمُكٜىٰ دَشِينٜىٰ تُنْدَغَ ڢَرْكُواْ؞
6
عَيْنِحِنْ ڧَوْنَ عِتَثٜىٰ، مُبِے عُمَرْنَنْ اللَّهْ ؞ عُمَرْنِنَّنْ كُمَ دَ كُكَجِ تُنْدَغَ ڢَرْكُواْ، شِينٜىٰ كُيِ ذَمَنْ ڧَوْنَ؞
7
نَا ثٜىٰ حَكَ غَمَا مُتَنٜىٰ دَيَوَ مَاسُ رُوطِنْ مُتَنٜىٰ سُنْ ڢِتُواْ، سُنْ بَظُو كُواْعِنَ ثِكِنْ دُونِيَا؞ بَسُيَرْدَ ثٜىٰوَ عِيسَىٰ أَلْمَسِيحُ يَاذُواْ وَنَّنْ دُونِيَا دَ جِكِنْ مُتُمْبَ؞ إِرِنْ مُتَنٜىٰنَّنْ مَاسُ رُوطُ نٜىٰ كُمَ مَاسُ غَابَادَ أَلْمَسِيحُ؞
8
سَبُواْدَ حَكَ كُلُورَ، دُواْمِنْ كَدَ دُكَنْ أَبِنْدَ كُكَيِ يَذَمَ بَنْظَ، أَمَيْمَكُواْ كُسَامِ ثِكَكّٜىٰنْ لَادَنْكُ؞
9
دُكْ مُتُمِنْ دَ بَيْ ڟَيَ عَكَنْ كُواْيَرْوَرْ أَلْمَسِيحُ بَ، عَمَّا يَيِ ڧَارِ عَكَنْتَ، مُتُمِنَّنْ بَا شِ دَ اللَّهْ ؞ عَمَّا وَنْدَ يَڟَيَ عَكَنْ كُواْيَرْوَرْ أَلْمَسِيحُ ، يَنَدَ عُبَنْ دَ كُمَ طَنْ؞
10
عِدَنْ وَنِ يَا ذُواْ يَنَ كُواْيَرْ دَ وَنِ أَبُ دَبَمْ دَ وَنَّنْ كُواْيَرْوَا، كَدَ كُكَرْٻٜىٰشِ، كَدَ مَا كُغَيْشٜىٰشِ؞
11
غَمَا عِدَنْ وَنِ يَاغَيْ دَ إِرِنْ وَنَّنْ مُتُمْ، يَنَ حَطَكَيْ دَ مُتُمِنْ ثِكِنْ مُوغُنْ عَيْكِنْسَ كٜىٰنَنْ؞
12
إِنَدَ أَبُبُوَ دَيَوَ وَطَنْدَ نَكٜىٰسُواْ إِنْ رُبُوتَ مُكُ، عَمَّا بَانَ سُواْ إِنْ رُبُوتَسُ أَوَسِيڧَرْ نَنْ؞ أَ مَيْمَكُوانْ حَكَ، إِنَ ڢَاتَا ذَنْ سَامِ دَامَ إِنْذُواْ وُرِنْكُ دُواْمِنْ مُتَتَّوْنَ ڢُسْكَ دَ ڢُسْكَ، دُواْمِنْ ڢَضٍ ثِكِنْمُ يَذَمَ ثِكَكّٜىٰ؞
13
یَیَنْ یَرْعُوَرْكِ وَدَّ اللَّهْ يَذَاٻَا، سُنَ غَيْشٜىٰكِ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula