Afọfọn anọ awo andikood mme ikọ brọfesi ami, anyʌñ afọn ñko anọ afịd awo se ikop inyʌñ idat ikọ ami isịn ke awọñ esịd se ewed ke esịd ammọ, sia ini akpere.
Yọọn, Anọ etob ami asọk mme ufọkabasi itiaba e-ebaaha ke Esia: Mfọn ye emem ato anye a-abaaha, a-amaakebaba, a-adiinyʌñ itịmme idi, ibọ ñko ito mme sịbidịd itiaba e-ebaaha ke iso ebekpo amọ,
“Sese, anye asʌk adi ke ntọñanyọñ,” ndin “afịd anyen eyaekịt anye, idem mbon e-ekekịmme anye”; ndin afịd-afịd uduod awo ke isọñ “eyaefʌhọ ke ntak amọ.” Ntodo ke adido! Amen.
Ami Yọọn, ayịnete ye nsaña ndufo ke edibọ ukuud ke ntak abio ubọọñ mme ediyọ ke ime a-adooho ake ñnyịn ke Yisọs, ñkeba ke isuọ Badmus ke ntak ikọ Abasi mme ntiense abañake Yisọs.
Ke ubọk nnasia amọ anye amaakama ntantaafiọñ itiaba, ndin ke inua amọ anye amaafịbe iso edem iba eduad a-asọppọ tutu. Iso amọ akeyamma nte utịn a-ayamake ata akpọsọñ-akpọsọñ.
Ke mmaakekịt anye, ami mmaaduọ nna anye ke ukod nte akpo awo. Ndin anye amaaben ubọk udom amọ andot miin anyʌñ abo ate, “Kuukop ndịk. Ami ndo Akpa ye Akpatre.