Ang bugna ni Jesu-Cristo, nga ginhatag sang Dios sa iya nga ipakita sa iya mga ulipon ang butang nga dapat mahanabu sing madali; kag ginpadala niya kag ginpakilala ini paagi sa iya manugtunda sa kay Juan nga iya ulipon,
Bulahan ang nagabasa sing mabaskug kag ang mga nagapamati sang mga polong sang tagna, kag nagabantay sang mga butang nga nasulat sa sini; kay malapit na ang tion.
Si Juan sa pito ka iglesia nga yara sa Asia: Ang bugay sa inyo kag paghidait gikan sa iya nga amo karon kag amo anay kag nga magakari, kag gikan sa pito ka espiritu nga yadto sa atubangan sang iya trono,
kag gikan kay Jesu-Cristo nga saksi nga matutum, ang panganay sang mga patay, kag ang manugdumala sang mga hari sa duta. Sa iya nga nagahigugma sa aton kag naghugas sa aton gikan sa aton mga sala bangud sang iya dugo
Yari karon, nagakari sia kaupud sang mga panganud, kag ang tagsa ka mata makakita sa iya, ang mga naghandus sa iya; kag ang tanan nga kabikahan sang duta magahaya bangud sa iya. Hoo. Kabay pa.
Ako si Juan, inyo utud kag umalambit upud sa inyo sa kapipit-an kag sa ginharian kag sa pagpailub sa kay Jesus, didto anay sa pulo nga ginatawag Patmos tungud sa polong sang Dios kag sa pagpamatuud ni Jesus.
nga nagasiling, “Ang imo nakita isulat sa isa ka tolon-an kag ipadala sa pito ka iglesia, sa Efeso kag sa Smirna kag sa Pergamo kag sa Tiatira kag sa Sardis kag sa Filadelfia kag sa Laodicea.”
kag sa tunga sang mga candelero ang isa nga kaangay sang anak sang tawo, nga napanaptan sing malaba nga panapton kag nawagkusan sa dughan sing wagkus nga bulawan;
sa iya kamut nga too may pito ka bitoon, sa iya baba nagagowa ang isa ka espada nga matalum nga duha sing sulab, kag ang iya nawung subong sang adlaw nga nagasilak sa iya bug-os nga kasanag.
Sang nakita ko sia, napukan ako nga daw patay sa iya tiilan. Apang ginpahamtang niya sa akon ang iya kamut nga too, nga nagasiling, “Dili magkahadluk, ako ang nahauna kag ang katapusan,
Kon nahanungud sa tinago sang pito ka bitoon nga imo nakita sa akon kamut nga too, kag ang pito ka candelero nga bulawan, ang pito ka bitoon amo ang mga manugtunda sang pito ka iglesia kag ang pito ka candelero amo ang pito ka iglesia.