Gava si so sikada o Del e Jesukristoke katar e ezgode kai si te avenpe oma, te sai sikavel vou e llenen kai si leke esluge. Goleke o Jesukristo bichalda iekhe suecho te sikavel gala ezgode e Juaneke kai si leko esluga,
Blagosime gua kai chitil gava lil, ta blagosime i gola kai asunen gala alava katar e ezgode kai si te avenpe ta kanden e alava kai si pisime ande gava lil, soke pase si o vreme.
Me o Juan, bichalav salami e efta khanllirenge kai si ande Asia. Len tumen o volipe ta e pas katar gua kai si, kai saia, ta kai si te avel; ta i katar e efta duura kai si angla leko trono,
ta i katar o Jesukristo, kai phenel o chachipe, ta si o purvo kai ustilo katar o meripe ta kai gazdaril pe sa e charura katar e phuv. O Kristo volil amen ta jalada amen katar amaro bilachipe pe ratea,
Me o Juan sem tumaro phlal, soke me sargo tumen, si man vera ando Jesukristo. Goleke sem katar e Devleki charoina, ta gia sargo tumen, si man e zor te nakhav e patnia. Me sema phanglo ande isla kai ikhardol Patmos, soke sikavava e Devleke alava ta e orba e chachi e Jesukristoki.
kai phenela: Me sem e Alfa ta e Omega, o mai angluno ta o mai paluno, ta phenela: Pisisar pe iek lil so dikhe, ta bichal le e efta khanllirenge kai si ande Asia, ando Efeso, Esmirna, Pergamo, Tiatira, Sardes, Filadelfia, ta Laodisea.
ta po maskaral katar e efta lampare saia iek lleno sargo o Chavo e Manuseko, furiado iekhe patavenchar kai resena llik kai leke porrne ta iek kavisi sunakuno kai resela llik kai leko brek.
Ta ande leko va o chacho sea efta cheraia. Ta katar leko mui likela iek jarni sano ta ostro pe dui riga. Leko mui saia sargo o kham kana kletosarel zurale.
Kana dikhlem le pelemtar kai leke porrne sargo mulo. Vou thoda po va o chacho pe mande, ta phenda mange: Na dara. Me sem o mai angluno ta o mai paluno,
Gava si so si len gurudino e efta cheraien kai dikhlan pe murni chachi, ta so si len gurudino e efta lampare sunakune: E efta cheraia si e efta suechura katar e efta khanllira, a e efta lampare si e efta khanllira.