En grootet Teatjen erschien enn däm Himmel: Eene Frü betjleet met de Sonn, en de Mon wea unje äare Feet, en opp äarem Haupt eene Kroon von met twalf Stearns.
En daut erschien een aundret Teatjen enn däm Himmel; en tjitj, een groota, fiarooda Drache, dee säwen Tjap en tien Heana haud, en opp siene Tjap säwen Diadeeme;
en sien Schwauns tratjt daut dredde Deel de Stearns vom Himmel met sich wajch; en hee schmeet dee opp de Ead. En de Drache stund ver däm Wief, daut jebuare sull, omm daut hee, wann see jebuare haud, äa Tjint veschlinjt.
En daut word jeschmäte de groote Drache, de oole Schlang, de Diewel en Soton jenant woat, dee de gauns bewohnte Ead vefead, jeschmäte word hee opp de Ead, en siene Enjel worde met am rauf jeschmäte.
En etj head eene lüde Stemm enn däm Himmel saje: Nü es daut Heil Radung en de Macht en daut Ritj de Harschoft von onsem Gott en de Vollmacht Jewault von sienem Tjristus Jesaulwten jekohme; dan rauf jeschmäte es de Vekloaga de von onse Breeda, dee ahn Dach en Nacht ver onsem Gott vekloagd.
Doawäajen siet frooh, jie Himmels en dee jie enn ahn wohne! Wee de Ead en däm Mäa! Dan de Diewel es no jünt rauf jekohme en haft grooten Oaja, doa hee weet, daut hee weinijch Tiet haft.
En daut worde däm Wief de twee Flijchte vom grooten Odla jejäft, doamet see enn de Wieste flijcht, aun äare Städ, wua see jenäat vesorjcht woat eene Tiet en Tiede en eene haulwe Tiet, wajch von däm Aunjesejcht de Schlang.
En de Drache wea oajalijch äwa daut Wief en jintj han, Tjrijch too feahre met de äwaje äarem Some, dee de Jeboote Gottes hoole en daut Zeijniss Jesus habe.